04-May-2021

ବୀରମହାରାଜପୁର - (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଅନ୍ତର୍ଗତ କେଳଗାଁ ମହାନଦୀ କୂଳରୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଆହାତ ହରିଣ ଉଦ୍ଧାର । ବୌଦ୍ଧ ଜିଲ୍ଲା ଡମ୍ବରୁଗଡ ପାହାଡରୁ ମହାନଦୀ ପାଣି ପାଇବାକୁ ଆସିଥିବା ବେଳେ ଶିକାରୀ ଆକ୍ରମଣରେ ଗୁରୁତର ଆହତ ହୋଇଥିବା ସ୍ଥାନୀୟ  ଲୋକେ ଅଭିଯୋଗ କରିଛନ୍ତି । ଏନେଇ ସୁବଳୟା ବନ ବିଭାଗକୁ ଖବର ଦେବା ପରେ ବନବିଭାଗ  କର୍ମଚାରୀ

ଘଟଣା ସ୍ଥଳରେ ପହଞ୍ଚି ଆହାତ ହରିଣକୁ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନା ନେବା ବାଟରେ ହରିଣ ମୃତ୍ୟୁ ହୋଇଥିଲା । ବୀରମହାରାଜପୁର ରେଞ୍ଜର ଅବିନାଶ ବରିହା ଙ୍କ ଉପସ୍ଥିତିରେ ପ୍ରାଣୀ ଚିକିତ୍ସା ଅଧିକାରୀ ଡା :ସୁବ୍ରତ ପୁରୋହିତ ହରିଣକୁ ଶବ ବ୍ୟବଚ୍ଛେଦ କରି ହରିଣର ମର ଶରୀର ପୋତି ଦିଆଯାଇଥିଲା । ବନବିଭାଗ ର ଅବହେଳା ଯୋଗୁ ପ୍ରତେକ ଦିନ ନିରିହ ବନ୍ୟ ଜନ୍ତୁ ଶିକାରୀ ମୁହଁରେ ପଡି ମୃତ୍ୟୁ ବରଣ କରୁଥିବା ଦେଖିବାକୁ ମିଲେ ।