30-Apr-2021

ବଲାଙ୍ଗୀର(ପ୍ରେରଣା ଖବର) :ବଲାଙ୍ଗୀର ଜିଲ୍ଲା ର ପଟଣାଗଡ଼ ଅତିରିକ୍ତ ଆରକ୍ଷୀ ଅଧିକାରୀ ଭାବେ ଜୋତିର୍ମୟୀ ଭୁକ୍ତା ଯୋଗ ଦାନ କରିଥିବା ସୂଚନା ପ୍ରଦାନ କରାଯାଇଛି । ଏହି ଆରକ୍ଷୀ ଅଧିକ୍ଷକ ଭାବେ ସୁରେଶ ନାଏକ  କାର୍ଯ୍ୟରତ ଥିଲେ । ଗତ ୨୬ ତାରିଖ ରେ ସେ ଦାୟିତ୍ୱ ଗ୍ରହଣ କରିଥିଲେ । ସେହିପରି ବଲାଙ୍ଗୀର ଜିଲ୍ଲାର ସଇଁତଲା ଥାନା ଅଧିକାରୀ ଭାବେ ସଂଗ୍ରାମ

କେଶରୀ ପଟ୍ଟନାୟକ ଯୋଗଦାନ କରିଛନ୍ତି । ପୂର୍ବରୁ ଥାନା ଅଧିକାରୀ ଭାବେ କାର୍ଯ୍ୟରତ ଥିବା ବରଣୀ ଦାସ ଙ୍କୁ ଲରମ୍ଭା ଥାନା କୁ ବଦଳି କରାଯାଇଛି । ଶ୍ରୀ ସଂଗ୍ରାମ କେଶରୀ ପଟ୍ଟନାୟକ ବଲାଙ୍ଗୀର ଆଦର୍ଶ ଥାନା ଅଧିକାରୀ ଭାବେ କାର୍ଯ୍ୟରତ ରହିଥିଲେ । ସେହିପରି ଇତି ମଧ୍ୟରେ ଟିଟିଲାଗଡ଼ ଥାନା ଅଧିକାରୀ ଭାବେ ରଞ୍ଜନ ବରିହା ଯୋଗଦାନ କରିଥିବା ବେଳେ ପୂର୍ବରୁ ଟିଟିଲାଗଡ଼ ଥାନା ଅଧିକାରୀ ଭାବେ 

କାର୍ଯ୍ୟରତ ଥିବା ପ୍ରଭାତ ରଞ୍ଜନ ମହାନ୍ତି ଙ୍କୁ ଦେଓଗାଁ ଥାନା ଅଧିକାରୀ ଭାବେ ଦାୟିତ୍ୱ ଗ୍ରହଣ କରିଥିବା ବେଳେ  ଶ୍ରୀ ବରିହା ଦେଓଗାଁ ରେ କାର୍ଯ୍ୟରତ ଥିଲେ । ଏହି ଅଦଳ,ବଦଳ ପରେ ଜିଲ୍ଲା ରେ ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣ କରାଯାଇ ପାରିବା ନେଇ ସାଧାରଣରେ ଆଶା କରାଯାଉଛି ।