26-Apr-2021

ବୌଦ୍ଧ(ଶ୍ରୀବନ୍ତମେହେର)- ବୌଦ୍ଧ ବ୍ଲକର ବଘିଆପଡା ଗ୍ରାମ ପଞ୍ଚାୟତ ଅନ୍ତର୍ଗତ ମାଝିସାହି ଗ୍ରାମର  ନଳକୂଅ ଚେନ୍‌ ଆଜକୁ ପ୍ରାୟ ମାସେରୁ ଉର୍ଦ୍ଧ୍ଵ ସମୟ ହେଲା ହେବ ଛିଣ୍ଡିଯାଇଥିଲେ ମଧ୍ୟ ଆଜିଯାଏ ତାର ମରାମତି କରାଯାଇନାହିଁ।ଫଳରେ ଏହି ନଳକୂଅରୁ ପାନୀୟ ଜଳ ପାଇଁ ନିର୍ଭର କରୁଥିବା ସ୍ଥାନୀୟ ଗ୍ରାମବାସୀ ମାନେ ହନ୍ତସନ୍ତ ହେଉଥିବା ଅଭିଯୋଗ ହୋଇଛି । ଛିଣ୍ଡି ଯାଇଥିବା ଚେନ୍‌କୁ ଯୋଡିବାପାଇଁ ଲୋକେ ବାରମ୍ବାର ଗ୍ରାମ ପଞ୍ଚାୟତ ନିକଟରେ ଅଭିଯୋଗକଲେ ମଧ୍ୟ ପଂଚାୟତ କର୍ତ୍ତୃପକ୍ଷ ସେ ଦିଗରେ କୌଣସି ପଦକ୍ଷେପ ନନେବାରୁ ନିରୁପାୟ ହୋଇ ଶେଷରେ ଲୋକେ ନଳକୂଅ ର ସାମ୍ନାପଟୁ ଏକ ଶାବଳ ପୁରାଇ ନଳକୂପର ଲିଭରକୁ ତଳ ଉପର କରି ବହୁକଷ୍ଟରେ ପାଣି ବାହାର କରୁଥିବା ଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳୁଛି ।ଗ୍ରାମର  ଜଳକ୍ଳିଷ୍ଟ  ପରିବାର ଙ୍କ ସମସ୍ୟା ଦୂର କରିବା ପାଇଁ ପ୍ରଶାସନ ପକ୍ଷରୁ ତୁରନ୍ତ ବିହୀତ ପଦକ୍ଷେପ ନେବାକୁ ଜନସାଧାରଣରେ ଦାବି ହେଉଛି ।