23-Apr-2021

ଭୁବନେଶ୍ୱର: (ଶୁଭାଶିଷ ନାୟକ)କରୋନା ଔଷଧ କଳାବଜାରୀ ଓ ଉପକରଣ ଗଚ୍ଛିତକୁ ରୋକିବା ପାଇଁ ରାଜ୍ୟପୁଲିସର ଫ୍ଲାଇଂସ୍କ୍ୱାର୍ଡ ପକ୍ଷରୁ ଜୋର୍ଦାର ଚଢ଼ାଉ  କରାଯାଇଛି । ବୁଧବାର ଫ୍ଲାଇଂସ୍କ୍ୱାଡ୍ର ଏକ ମିଳିତ ଟିମ୍ ଟ୍ୱିନ୍ସିଟି ଭୁବନେଶ୍ୱର- କଟକ ସମେତ ବାରିପଦାର ୪ଟି ଔଷଧ ଡିପୋରେ ଚଢ଼ାଉ କରିଛନ୍ତି । ସେହିପରି ପୁରୀ, ଯାଜପୁର, ଅନୁଗୁଳ ଏବଂ ରାଜ୍ୟର ଅନ୍ୟ ଜିଲ୍ଲା ଗୁଡ଼ିକରେ ସ୍ଥାନୀୟ ଫ୍ଲାଇଂସ୍କ୍ୱାର୍ଡ ପକ୍ଷରୁ ଚଢ଼ାଉ ହୋଇଛି ।
ଏଥିସହିତ ମୟୁରଭଞ୍ଜ ଜିଲ୍ଲାର ବାରିପଦା, କଟକ ପୁରୁଣା କଲେଜ ଲେନ୍ରେ ଥିବା ଡ୍ରଗ୍ସ ଫାର୍ମ, ଏବଂ ଭୁବନେଶ୍ୱରର ଦୁଇଟି ହସ୍ପିଟାଲରେ ଚଢାଉ କରାଯାଇଛି । ଡିପୋରେ ଥିବା ସମସ୍ତ ରେକର୍ଡକୁ ଅନୁଧ୍ୟାନ କରିବା ସହ ବିଭିନ୍ନ ହସ୍ପିଟାଲ ଏବଂ ଅନ୍ୟାନ୍ୟ ସଂସ୍ଥାକୁ ବଣ୍ଟନ କରାଯାଉଥିବା ଔଷଧ ଏବଂ ଷ୍ଟକ୍ ଏଣ୍ଟ୍ରି ସମ୍ପର୍କରେ ସ୍କ୍ୱାଡ୍ ଯାଞ୍ଚ କରିଛନ୍ତି । ଏହାସହ କୋଭିଡ୍-୧୯ ଔଷଧ ବଣ୍ଟନ ବ୍ୟବସ୍ଥା, ଔଷଧ ବିତରକ ଏବଂ ମେଡ଼ିକାଲ ଡିପୋର ସମସ୍ତ ତଥ୍ୟ ସଂକ୍ରାନ୍ତରେ ପ୍ରତିଦିନ ଅପ୍ଡେଟ୍ କରିବାକୁ ନିଦେ୍ର୍ଧଶ ଦିଆଯାଇଛି । ଏହି ଟିମ୍ରେ ଡ୍ରଗ୍ସ ଇନ୍ସପେକ୍ଟର, ସ୍ପେଶାଲ ଟାସ୍କ ଫୋର୍ସ, କ୍ରାଇମବ୍ରାଞ୍ଚର ଅଧିକାରୀ ଏବଂ ସ୍ଥାନୀୟ ପୁଲିସ ସାମିଲ ରହିଛନ୍ତି ।