19-Oct-2020

ଲୋଇସିଂହା,(ବିନୋଦ କୁମାର) ଲୋଇସିଂହା ବିଧାୟକ ଭାବରେ ଡ. ମୁକେଶ ମହାଲିଙ୍ଗ ନିର୍ବାଚିତ ହେବା ପରେ ଲୋଇସିଂହା ନିର୍ବାଚନ ମଣ୍ଡଳୀରେ ବିଭିନ୍ନ ଗାଁ କୁ ଆଲୋକୀକରଣ କରିବା ଦିଗରେ ବିଧାୟକ ଶ୍ରୀ ମହାଲିଙ୍ଗ ପ୍ରଶଂସନୀୟ ପଦକ୍ଷେପ ଗ୍ରହଣ କରିଛନ୍ତି । ବିଧାୟକଙ୍କ ଉଦ୍ୟମରେ ବିଭିନ୍ନ ଗାଁ ରେ ଏଲ୍‌ଇଡି ଲାଇଟ୍ ସଂଯୋଗ କରିଥିବା ଯୋଗୁଁ ବର୍ତ୍ତମାନ ଲୋଇସିଂହା ନିର୍ବାଚନ ମଣ୍ଡଳୀର ଗାଁ ଗୁଡିକ ଉଜ୍ୱଳ ଆଲୋକରେ ସୁସଜ୍ୱିତ ହୋଇଯାଇଛି । ଏହି କ୍ରମରେ ଆଜି ବିଧାୟକ ଶ୍ରୀ ମହାଲିଙ୍ଗ ହୀରାପୁର, ଟେଭାଡୁଙ୍ଗୁରି ଓ ମାଣ୍ଡିଆପଦର ଗାଁ ରେ ଏଲ୍‌ଇଡି ବଲ ସଂଯୋଗ କରିଥିଲେ । ଏହାକୁ ଭିଡିଓ ଜରିଆରେ ଡ. ମହାଲିଙ୍ଗ ଉଦ୍‌ଘାଟନ କରିଥିଲେ । ଏହି କାର୍ଯ୍ୟକ୍ରମରେ ଲୋଇସିଂହା ବ୍ଲକ ବିଜେପି ସଭାପତି ସରୋଜ ସାହୁ, ମଣ୍ଡଳ ସାଧାରଣ ସଂପାଦକ ବାହାଦୁର ନନ୍ଦ, ବିଜେପି କର୍ମୀ ଲଳିତ ପ୍ରଧାନ, ଯୁବନେତା ରାଜୁ ସାହୁ ପ୍ରମୁଖ ଉପସ୍ଥିତ ଥିଲେ ।