18-Apr-2021

ବଲାଙ୍ଗିର (ପ୍ରେରଣା ଖବର): ଜ଼ିଲ୍ଲା ଆଦିବାସୀ କଲ୍ୟାଣ ସଙ୍ଘ ବଲାଙ୍ଗିର ର ଜ଼ିଲ୍ଲା ସଭାପତି ତଥା ପଶ୍ଚିମ ଓଡିଶା ଆଦିବାସୀ କଲ୍ୟାଣ ମହାସଂଘ ର କାର୍ଯ୍ୟକାରୀ ସଭାପତି  ବ୍ରଜକିଶୋର ସିଂଭୋଇଙ୍କ ଆଜି  ସକାଳ 8.40 ରେ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ ରେ ପରଲୋକ ହୋଇଯାଇଛି l

ଓଡିଶା ଆଦିବାସୀ ସମାଜର  ଟାଣୁଆ ନେତା,   ପ୍ରଗଳଭ ବକ୍ତା, ଆଦିବାସୀ ବାର୍ତ୍ତା ର ସମ୍ପାଦକ, ଆଇନଜୀବୀ, ବିଶିଷ୍ଟ ସମାଜସେବୀ, ସଇଁତଲା ଜ଼ମିଦାର, ପରୋପକାରୀ,ସ୍ବର୍ଗତ ସିଂଭୋଇ ଙ୍କ ବିଯୋଗ ରେ ସମଗ୍ର ଆଦିବାସୀ ସମାଜ ମର୍ମାହତ,ଦୁଃଖିତ ଓ ବ୍ୟଥିତ lସାରା ଓଡିଶାର ଆଦିବାସୀ ସମାଜ ର ଅପୂରଣୀୟ କ୍ଷତି ଘଟିଛି ବୋଲି ଶୋକବାର୍ତ୍ତା  
ରେ କୁହାଯାଇଛି l  ଜଣେ ବିଦ୍ୱାନ, ବରିଷ୍ଠ ଆଦିବାସୀ ନେତା, ନିର୍ଭିକ ଏବଂ ନିରପେକ୍ଷ ନେତା ଭାବରେ ସ୍ବର୍ଗତ ସିଂଭୋଇ ଓଡିଶା ରେ ବେଶ ପରିଚିତ l ତାଙ୍କ ବିଯୋଗ ରେ ଓଡିଶା ଏକ ବରପୁତ୍ର ବୀର ପୁତ୍ର ଙ୍କୁ ହରାଇଲା  l ଶ୍ରୀ ସିଂହ ଙ୍କ  ଅକାଳ ବିୟୋଗରେ  ବଲାଙ୍ଗିର ଜିଲ୍ଲାରେ ଶୋକର ଛାୟା ଖେଳି ଯାଇଛି l  

  ଏହି ମହାନ ଆାଦିବାସୀ ନେତାଙ୍କ ବିୟୋଗରେ ଜିଲ୍ଲା ଆାଦିବାସୀ କଲ୍ଯାଣ ମହାସଂଘ ତରଫରୁ ଗଭୀର ଶୋକ ପ୍ରକାଶ କରାଯାଇଛି l