15-Apr-2021

ପୁରୀ (ସମୀର ରଞ୍ଜନ ନାୟକ): ପୁରୀ ତାଳବଣିଆ ଥାନା ଅନ୍ତର୍ଗତ ହେଲିପ୍ୟାଡଠାରେ ଗୁରୁବାର ସକାଳେ ଏକ କାର ଦୁର୍ଘଟଣା ହୋଇଛି । ଫଳରେ ତିନି ଜଣ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ତଳମାଳି ସାହିର ବ୍ରଜେଶ ମିଶ୍ର ସୁସ୍ଥ ହୋଇ ଘରକୁ ଯାଇଥିବା ବେଳେ ଅନ୍ୟ ଦୁଇ ଜଣ ଗୁରୁତର ଅବସ୍ଥାରେ ଚିକିତ୍ସାଧୀନ ଅଛନ୍ତି । ଗୁରୁତର ହୋଇଥିବା ଦୁଇ ଜଣ ହେଲେ ରେଲୱେ କଲୋନୀର ୨୪ ବର୍ଷ ବୟସ୍କ ସୱେନ ବାଷ୍କେ ଓ ୨୧ ବର୍ଷ ବୟସ୍କ ଭିଶାଲ୍ ବେହେରା 

ଏକ କାରରେ ଡ୍ରାଇଭର ସମେତ ୩ ଜଣ ଯାଉଥିବା ବେଳେ ହେଲିପ୍ୟାଡଠାରେ କାରଟି ଏକ ବିଦ୍ୟୁତ ଖୁଣ୍ଟରେ ଧକ୍କା ଦେଇଥିଲା । କାର ଚଲାଉଥିବା ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ଅନ୍ୟ ତିନି ଜଣଙ୍କୁ ସ୍ଥାନୀୟ ଲୋକମାନେ ମେଡ଼ିକାଲକୁ ପଠାଇଥିଲେ । ଦୁର୍ଘଟଣାଗସ୍ତ କାରକୁ ତାଳବଣିଆ ଥାନା ପୋଲିସ ଜବତ କରିଛି।