15-Apr-2021

ବଲାଙ୍ଗୀର,(ପ୍ରେରଣା ଖବର)- ବଲାଙ୍ଗୀର ଜିଲ୍ଲା ଦଳିତ ସମାଜ ତରଫରୁ ବାବା ସାହେବ ଆମ୍ବେଦକରଙ୍କ ୧୩୦ ତମ ଜୟନ୍ତୀ ପାଳିତ ହୋଇଯାଇଛି । କୋଭିଡ କଟକଣାକୁ ଦୃଷ୍ଟିରେ ରଖି ବାବା ସାହେବଙ୍କ ଜୟନ୍ତୀ ପାଳନ କରାଯାଇଥିଲା । ସକାଳେ ଶତାଧିକ ଯୁବକ ଏକ ମୋଟର ସାଇକଲ ର‌୍ୟାଲିରେ ସ୍ଥାନୀୟ ଗେଟ ସରୋବର ପଡା ଆମ୍ବେଦକର କ୍ଲବରୁ ବାହାରି ସହର ପରିକ୍ରମା କରିବା ପରେ କଚେରୀ ଛକ ସ୍ଥିତ ବାବା ସାହେବ ଆମ୍ବେଦକରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । ପରେ ସ୍ଥାନୀୟ ରକ୍ତ ଭଣ୍ଡାରରେ ଜିଲ୍ଲା ଦଳିତ ସମାଜ ତରଫରୁ ଏକ ସ୍ୱଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲା ଦଳିତ ସମାଜ ଆବାହକ ବିଜୟ ବାରିକ , ଶମ୍ଭୁ ନାଗ , ଦିନେଶ ନାଗ , କିଶୋର କୁମ୍ଭାର , ଦ୍ରୋଣ କୁମ୍ଭାର ନେପାଳ ବାଗ , ଗଜମଣୀ ବାଗ , ଶୁଶିଲ ହରିପାଲ , ଦେବରାଜ ମହାନନ୍ଦ , ଅଜୟ ନାଗ ଓ ଚିନୁ ହରିପାଲ ପ୍ରମୁଖ ଭୂମିକା ଗ୍ରହଣ କରିଥିଲେ ।