15-Apr-2021

ଦେଓଗାଁ(ପ୍ରେରଣା ଖବର)- ସମ୍ବିଧାନ ପ୍ରଣେତା ବାବା ସାହେବ ଆମ୍ବେଦକରଙ୍କ ୧୩୦ ତମ ଜୟନ୍ତୀ ଦେଓଗାଁ ବ୍ଲକ ସାଲେପାଲି ପଂଚାୟତ ଅନ୍ତର୍ଗତ କୁଲିଆବାହଲ ଗ୍ରାମ ଠାରେ ମହାସମାହୋରେ ପାଳିତ ହୋଇଯାଇଛି । ଏହି ବ୍ଲକସ୍ତରୀୟ ଜୟନ୍ତୀ ସମାରୋହରେ ପୂବତନ ବ୍ଲକ ଅଧ୍ୟକ୍ଷ ଲକ୍ଷ୍ମଣ କୁମାର ମେହେର ସଭାପତିତ୍ୱ କରିଥିବା ବେଳେ ବ୍ଲକ ଅଧ୍ୟକ୍ଷା ରୀନା ମେହେର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ମୁଖ୍ୟବକ୍ତା ଭାବେ ଗୌତମ କ୍ଷେତୀ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ଆଇନଜୀବୀ ଦିନେଶ ନାଗ , ରୂପାଳୀ ମହାନନ୍ଦ , କୁନା ବାଗ , ସାଲେପାଲି ସରପଂଚ ନୀଳାଂଚଳ କୁଅଁର ଓ ଜରାସିଂହା ସରପଂଚ କୁଳମଣି ମେହେର ଯୋଗ ଦେଇଥିଲେ । ଅତିଥିମାନେ ବାବା ସାହେବଙ୍କ ସଂଘର୍ଷମୟ ଜୀବନ ସମ୍ପର୍କରେ ଆଲେକପାତ କରିବା ସଂବିଧାନ ମାଧ୍ୟମରେ ସେ ପ୍ରଦାନ କରିଥିବା ବିଭିନ୍ନ ଅଧିକାର ସମ୍ପର୍କରେ ଆଲୋକପାତ କରିଥିଲେ । ବାବା ସାହେବଙ୍କ ଦ୍ୱାରା ପ୍ରଣିତ ସଂବିଧାନ ବଳରେ ଦଳିତ , ଆଦିବାସୀ ଓ ପଛୁଆ ବର୍ଗ କିଭଳି ଭାବେ ଉପକୃତ ହେଉଛନ୍ତି ସେ ସମ୍ପର୍କରେ ମତ ରଖିଥିଲେ । ଶିକ୍ଷିତ ହୁଅ , ସଂଘର୍ଷ କର ଓ ସଙ୍ଗଠିତ ହୁଅ ବୋଲି ବାବା ସାହେବ ଆମ୍ବେଦକର କହିଥିଲେ । ତେଣୁ ସାମ୍ପ୍ରିତକ ସମୟରେ ଆମମାନଙ୍କୁ ଶିକ୍ଷିତ ହୋଇ ସଂଘର୍ଷ କରିବାକୁ ପଡିବ ଓ ସଙ୍ଗଠିତ ହେବାକୁ ପଡିବ । ବର୍ତ୍ତମାନ ଦେଶର ସଂବିଧାନ ପ୍ରତି ସଙ୍କଟ ଦେଖାଦେଇଛି । ତେଣୁ ଆମ ସମସ୍ତଙ୍କୁ ଏକଜୁଟ ହୋଇ ନିଜର ହକ ପାଇ ଲଢେଇ କରିବାକୁ ପଡିବ ବୋଲି ବକ୍ତମାନେ କହିଥିଲେ । ସଭାରେ ସଭାପତିତ୍ୱ କରୁଥିବା ଶ୍ରୀ ମେହେର ତାଙ୍କ ଅଭିଭାଷଣରେ କହିଥିଲେ ଯେ , ଆଗାମୀ ଦିନରେ ଦଳିତ , ଆଦିବାସୀ ଓ ପଛୁଆ ବର୍ଗଙ୍କୁ ସଙ୍ଗଠିତ କରାଯିବ ଓ ସେମାନଙ୍କ ହକ୍ ହାସଲ ପାଇ ଲଢେଇ କରାଯିବ ।