15-Apr-2021

ସମ୍ବଲପୁର (ପ୍ରେରଣା ଖବର) : ମନ୍ଦିର ନିକଟରେ ଚାଲିଛି ବେଆଇନ୍‌ ବ୍ଲାଷ୍ଟିଂ । ସମ୍ବଲପୁରର ପ୍ରସିଦ୍ଧ ବକ୍ର ହୁମା ମନ୍ଦିର ନିକଟରେ ମାଛ ଧରିବା ପାଇଁ ଚାଲିଛି ବ୍ଲାଷ୍ଟିଂ । ପ୍ରଶାସନ ସବୁ ଜାଣି ବି ଚୁପ୍‌ ବସିଛି ।

ଖବର ଅନୁଯାୟୀ, ମାଛ ମାରିବା ପାଇଁ ହୁମା ବକ୍ର ମନ୍ଦିର ଦେଇ ଯାଇଥିବା ମହାନଦୀରେ ଚାଲିଛି ବେଆଇନ ବ୍ଲାଷ୍ଟିଂ । ନ୍ୟୁଜ ସେଭେନ କ୍ୟାମେରାରେ କଏଦ ହୋଇଛି Exclusive ଭିଜୁଆଲ୍ । ହୁମା ବକ୍ର ମନ୍ଦିରରେ ଦେଖାଯାଉଥିବା ଦୁର୍ଲଭ ତଥା ବିରଳ ମାଛକୁ କୋଶଳା ମାଛ ନାଁରେ ବିକ୍ରି କରାଯାଉଥିବା ନେଇ ନ୍ୟୁଜ ସେଭେନରେ ଖବର ପ୍ରସାର ହୋଇଥିଲା । ଏବେ ତାହାର ପ୍ରମାଣ ଲାଗିଛି । କେମିତି ନଦୀ ଭିତରେ କୁଡୋ ମାଛ ମାରିବା ସକାଶେ ବେଆଇନ ଭାବେ ମତ୍ସଜୀବୀ ସକ୍ରିୟ ଅଛନ୍ତି ତାହାର ଏହା ହେଉଛି ପ୍ରମାଣ । ଏଠାକାର କୁଢୋ ମାଛ ପର୍ଯ୍ୟଟକଙ୍କ ମୁଖ୍ୟ ଆକର୍ଷଣ ରହିଥାଏ । ଏହାକୁ ବିଷ୍ଣୁଙ୍କ ଅବତାର ରୂପେ ବିବେଚନା ମଧ୍ୟ କରାଯାଇଥାଏ ।