14-Apr-2021

ରାଇରଙ୍ଗପୁର (ପ୍ରେରଣା ଖବର): ଭୁଜାଲିରେ ହାଣି ଲୁଟ୍‌ ଉଦ୍ୟମ । ଅଳ୍ପକେ ବର୍ତ୍ତିଗଲେ ବାପ-ପୁଅ ।  ଉଭୟ ମେଡିକାଲରେ ଭର୍ତ୍ତି ହୋଇଛନ୍ତି । ମୟୁରଭଞ୍ଜ ଜିଲ୍ଲା ବାଦାମପାହାଡ଼ ଥାନା ଦଲକି ଛକ ନିକଟରେ ଘଟିଛି ଘଟଣା । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍‌ଭିନ୍‌ ଜାରି ରଖିଛି ।

ଖବର ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ରାଇରଙ୍ଗପୁର ସହରର ରମେଶ ଶର୍ମା ଓ ତାଙ୍କୁ କିଶା ଶର୍ମା ଜଶିପୁର ଧୋବାଡିହା ଠାରେ ଥିବା ତେଜରାତି ଦୋକାନ ବନ୍ଦ କରି ବାଇକ ଯୋଗେ ଘରକୁ ଫେରୁଥିଲେ । ଦଲକି ଛକ ନିକଟରେ ୨ଜଣ ଦୁର୍ବୃତ୍ତ ଆସି ସେମାନଙ୍କୁ ଅଟକାଇ ଭୁଜାଲିରେ ଆକ୍ରମଣ କରିଥିଲେ । କିନ୍ତୁ ରମେଶଙ୍କ ଉପସ୍ଥିତ ବୁଦ୍ଧି ଖର୍ଚ୍ଚ କରି ଗାଡିକୁ ଦ୍ରୁତ ଗତିରେ ନେଇଯାଇଥିଲା ।

ଦୁର୍ବୃତ୍ତଙ୍କ ଭୁଜାଲି ମାଡରେ ଗାଡି ପଛରେ ବସିଥିବା ପୁଅ କିଶାନ ଶର୍ମା ଆହତ ହୋଇଛନ୍ତି । ଉଭୟ ମେଡିକାଲରେ ପ୍ରାଥମିକ ଚିକିତ୍ସା ପରେ ଘରକୁ ଫେରିଛନ୍ତି । ତେବେ ଏନେଇ ଥାନାରେ କୌଣସି ଅଭିଯୋଗ କରାଯାଇନାହିଁ ।