11-Apr-2021

ଟିଟିଲାଗଡ(ପ୍ରେରଣା ଖବର):  ଟିଟିଲାଗଡ ରେଳ ଜଙ୍କସନକୁ ନିୟମିତ ଭାବେ ବିଭିନ୍ନ ଟ୍ରେନ ଯୋଗେ ରାଜ୍ୟ ବାହାରୁ ଶତାଧିକା ସଂଖ୍ୟାରେ ଦାଦନ ଶ୍ରମିକ ତଥା ସାଧାରଣ ଯାତାୟତ କରୁଥିବା ବେଳେ ଭାରତର ସମସ୍ତ ଅଞ୍ଚଳକୁ ଯାତାୟତ ସୁବିଧା ଥିବା ବେଳେ ଟିଟିଲାଗଡ ବଲାଙ୍ଗୀର ଜିଲ୍ଲାର ମୁଖ୍ୟ ସଂଯୋଗ ସ୍ଥାନ ପଲଟିଛି l କୋଭିଡ-୧୯ ଅନୁଯାୟୀ ହାଇରିକ୍ସ ଭାବେ ପରିଚିତ । ପ୍ରକାଶ ଯେ ଟିଟିଲାଗଡ ଉପଖଣ୍ଡ ମୁଖ୍ୟ ଚିକିତ୍ସାଳୟରେ ଏ ନେଇ ପରୀକ୍ଷା ସହ ବିଭିନ୍ନ ପ୍ରକାର କରୋନା ଆକ୍ରାନ୍ତଙ୍କୁ ଔଷଧ ପ୍ରଦାନ ଏବଂ 

ହୋମ ଆଇସୋଲେସନରେ ରଖାଯାଉଛି । ସେହିପରି ନିୟମିତ ଟୀକା ପ୍ରଦାନ ବ୍ୟବସ୍ଥା କରାଯାଇଛି । ହେଲେ ପରିତାପର ବିଷୟ ଏହି ଡ଼ାକ୍ତରଖାନାରେ କାର୍ଯ୍ୟରତ ତିଲୋତମା ସାହୁ ନାମ୍ନୀ ଜଣେ ନର୍ସ କରୋନା ଭୁତାଣୁରେ ସଂକ୍ରମିତ ହୋଇଥିବା ବେଳେ ତାଙ୍କ ଅବସ୍ଥା ଦେଖି ଡ଼ାକ୍ତର ବଲାଙ୍ଗୀର ମ୍ୟାଡିକାଲ କଲେଜ ଡ଼ାକ୍ତର ଖାନା କୁ ସ୍ଥାନାନ୍ତରିତ କରାଯାଇ ଥିଲା । ହେଲେ ଉକ୍ତ ନର୍ସ ବଲାଙ୍ଗୀର ଠାରୁ ଟିଟିଲାଗଡ ଉପଖଣ୍ଡ ମୁଖ୍ୟ ଚିକିତ୍ସାଳୟକୁ ଆସି ପୁନଃ ଏସି କେବିନ ନେଇ ରହିଛନ୍ତି, ଏ ନେଇ ଉପଖଣ୍ଡ ମୁଖ୍ୟ ଚିକିତ୍ସାଳୟ ସୁପରିଟେଣ୍ଡେନ 

ଡ଼. ପ୍ରଦୀପ ନାଏକ କିପରି ତାଙ୍କୁ ସ୍ୱତନ୍ତ୍ର ଏସି କ୍ୟାବିନରେ ଭର୍ତ୍ତି କରି ଚିକିତ୍ସା କରିବା ଅନୁମତି ଦେଇଛନ୍ତି ସେ ନେଇ ସ୍ଥାନୀୟ ଅଞ୍ଚଳରେ ତୀଵ୍ର ପ୍ରତିକ୍ରିୟା ସହ ସାଧାରଣ ରେ ଉତେଜନା ସୃଷ୍ଟି ହୋଇଛି । ଏ ନେଇ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ ନିକଟରୁ ଅନୁମତି ଦିଆଯାଇଛି ବୋଲି ବଲାଙ୍ଗୀର ଜିଲ୍ଲା ଜନସେବା ସଂଘ ସ୍ୱେଚ୍ଛାସେବୀ ସଂଗଠନ ଟିଟିଲାଗଡ ତରଫରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ନିମନ୍ତେ ଦାବି କରାଯାଇଛି ।  ଯଦି  ସରକାରୀ ଅଧିକାରୀ ଓ କର୍ମଚାରୀ ଏପରି ସଚେତନତାକୁ ନ ମଣିବେ ତେବେ ସାଧାରଣ ତାଙ୍କ ନିକଟରୁ କଣ ଶିଖିବେ ?   ବିଭାଗୀୟ ଉଚ୍ଚ ଶାସନ ସଚିବ ଏ ନେଇ ତୁରନ୍ତ ବିଧିବଦ୍ଧ କାର୍ଯ୍ୟାନୁଷ୍ଠାନ ଉକ୍ତ ଅଧିକାରୀଙ୍କୁ ଏହି ବେଆଇନ ଭାବେ ସଲାସୁତୁରା ନୀତି ଅବଲମ୍ବନ କରି ଥିବା ନେଇ ତାଙ୍କ ବିରୋଧ ରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ନେଇ ସାଧାରଣ ରେ ମତପ୍ରକାଶ ପାଇଛି ।