11-Apr-2021

ସୁନ୍ଦରଗଡ,(ପ୍ରେରଣା ଖବର ବ୍ୟୁରୋ): ସ୍ୱାମୀକୁ ହତ୍ୟା କଲା ସ୍ତ୍ରୀ । ନିଜ ସିନ୍ଦୂର ନିଜେ ଫୋଚିଦେଲା ।  ସୁନ୍ଦରଗଡ଼ ଜିଲ୍ଲା ତଲସରା ଥାନା ଅନ୍ତର୍ଗତ ଶୁଖା ମହାଦେବ ପଡ଼ାରେ ଜଣେ ମହିଳା ତାଙ୍କ ସ୍ୱାମୀଙ୍କୁ ହତ୍ୟା କରିଥିବା ସୂଚନା ମିଳିଛି ।

ସୂଚନାନୁସାରେ, ବାଲିଶଙ୍କରା ମହାଦେବପଡ଼ାରେ ରୁହନ୍ତି ପ୍ରକାଶ କୁଜୁର ଓ ତାଙ୍କ ସ୍ତ୍ରୀ ସୁଷମା । ଶନିବାର ବିଳମ୍ବିତ ରାତିରେ ଉଭୟଙ୍କ ମଧ୍ୟରେ କୌଣସି କାରଣରୁ ଝଗଡା ହୋଇଥିଲା। ଏଥିରେ ଉତକ୍ଷିପ୍ତ ହୋଇ ସୁଷମା ଘରେ ଥିବା ଏକ ଲୁହା ପାଇପରେ ସ୍ୱାମୀ ପ୍ରକାଶଙ୍କ ମୁଣ୍ଡରେ ପ୍ରହାର କରିଥିଲେ। ଫଳରେ ଘଟଣାସ୍ଥଳରେ ପ୍ରକାଶଙ୍କ ମୃତ୍ୟୁ ଘଟିଥିଲା।

ରବିବାର ସକାଳେ ସ୍ତ୍ରୀ ସୁଷମା ତଲସରା ଥାନାକୁ ଯାଇ ନିଜ ସ୍ୱାମୀକୁ ହତ୍ୟା କରିଥିବା ସ୍ଵୀକାର କରିବା ସହ ଆତ୍ମସମର୍ପଣ କରିଥିଲା। ପୋଲିସ ଘଟଣାସ୍ଥଳକୁ ପହଁଚି ପ୍ରକାଶଙ୍କ ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛି।