10-Apr-2021

ସଇଁତଳା (ପ୍ରେରଣା ଖବର) :ବଲାଙ୍ଗୀର ଜିଲ୍ଲା ସଇଁତଳା ଅଞ୍ଚଳରେ ଜଣେ ଦିବ୍ୟାଙ୍ଗ ଯୁବତୀ ଙ୍କ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି ।  ଜଣେ ଦିବ୍ୟାଙ୍ଗ ଯୁବତୀଙ୍କୁ ବାହା ହେବାର ପ୍ରତିଶ୍ରୁତି ଦେଇ ପ୍ରେମ ଓ ପରେ ପ୍ରତାରଣା ଯୋଗୁଁ ସେ ମାନସିକ ଚିନ୍ତାରେ ବିଷପିଇ ଦେଇ ଆତ୍ମହତ୍ୟା ଉଦ୍ୟମ କରିଛନ୍ତି। ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନାରେ  ଭର୍ତ୍ତି କରାଯାଇଛି ।

ଉକ୍ତ ଦିବ୍ୟାଙ୍ଗ ଯୁବତୀଙ୍କୁ ତାଙ୍କର ସଂର୍ପକୀୟ ମାମୁ ପୁଅ ଭାଇ ବାହା ହେବାର ପ୍ରତିଶ୍ରୁତି ଦେଇ ବାରମ୍ୱାର ଦୁଷ୍କର୍ମ କରୁଥିଲେ । ଏ ସଂପର୍କରେ ପରିବାର ଲୋକେ ଜାଣିବା ପରେ ବିବାହ ପାଇଁ ଉକ୍ତ ଅଭିଯୁକ୍ତ ଭୀମକୁ  କହିଥିଲେ। ହେଲେ ସେ ପ୍ରତାରଣା କରି ବିବାହ ହେବା କୁ ମାନା କରି ଫେରାର ହୋଇଯାଇଥିଲା । ଫଳରେ ମାନସିକ ଚିନ୍ତାରେ ଦିବ୍ୟାଙ୍ଗ ଯୁବତୀ ବିଷପିଇ ଆତ୍ମହତ୍ୟା ଉଦ୍ୟମ କରିଥିଲେ। ତାଙ୍କୁ ପ୍ରଥମେ ସଇନ୍ତଲା ହସପିଟାଲ ଏବଂ ପରେ ଅଧିକ ଗୁରୁତର ଅବସ୍ଥା ଦେଖି ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଛି । ଏନେଇ ସଇନ୍ତଲା ଥାନାରେ ମାମଲା ରୁଜୁ କରି ପୋଲିସ ତଦନ୍ତ ଜାରି ରଖିଛି ବୋଲି ସୂଚନା ମିଳିଛି ।