07-Apr-2021

ସଇଁନ୍ତଲା,  ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସରକାରୀ ଉନ୍ନିତ ଉଚ୍ଚ ବିଦ୍ୟାଳୟ ଜୁନିୟର ରେଡକ୍ରସ ତରଫରୁ କଲୋନିପଡା ଓ ବିଦ୍ୟାଳୟରେ ବିଶ୍ୱ ସ୍ୱାସ୍ଥ୍ୟ ଦିବସ ପାଳିତ ହୋଇଯାଇଛି । ବିଦ୍ୟାଳୟର ଜୁନିୟର ରେଡକ୍ରସ କାଉନସିଲର ରାମ ନାରାୟଣ ଦାଶଙ୍କ ସଂଯୋଜନା କାର୍ଯ୍ୟକ୍ରମରେ ପ୍ରଧାନ ଶିକ୍ଷକ ବିଶ୍ୱନାଥ ମେହେର ସଭାପତିତ୍ୱ କରିଥିଲେ । ମୁଖ୍ୟଅତିଥି ଭାବରେ ସଇଁନ୍ତଲା ଡାକ୍ତରଖାନାର ଡ. ବିଶ୍ୱଜିତ ମିଶ୍ର

ଚଳିତ ବର୍ଷର ବାର୍ତ୍ତା - “ଜଳବାୟୁ ପରିବର୍ତ୍ତନ ପ୍ରକୋପରୁ ସ୍ୱାସ୍ଥ୍ୟକୁ ସୁରକ୍ଷିତ ରଖିବା” ପ୍ରଦାନ କରିବା ସହ ସ୍ୱାସ୍ଥ୍ୟ ସହ ଜଳବାୟୁ ପରିବର୍ତ୍ତନର ମହତ୍ୱପୂର୍ଣ୍ଣ ସଂପର୍କ ରହିଛି ବୋଲି ମତ ପ୍ରକାଶ କରିଥିଲେ । କରୋନା ଭୂତାଣୁର ଦ୍ୱିତୀୟ ଦଫା ସଂକ୍ରମଣ ନେଇ ସଚେତନତା ଆବଶ୍ୟକ ଲକ୍ଷ୍ୟ କରି ସାମାଜିକ ଦୂରତା, ହାତ ଧୋଇବା, ମାକ୍ସ ପରିଧାନ କରିବା ପାଇଁ ଲୋକମାନଙ୍କୁ ଓ ଛାତ୍ର ଛାତ୍ରୀମାନଙ୍କୁ କାଉନସିଲର ଶ୍ରୀଦାଶ ଅବଗତ କରାଇଥିଲେ । ଏହି ଅବସରରେ ଗ୍ରାମବାସୀଙ୍କୁ ଜୁନିୟର ରେଡକ୍ରସ ତରଫରୁ ସାବୁନ ଓ ମାକ୍ସ

ବଣ୍ଟନ କରାଯାଇଥିôଲା । ପୂର୍ବରୁ କୋଭିଡ-୧୯ ନିୟମ ପାଳନ କରି ବିଦ୍ୟାଳୟରେ ମଧ୍ୟ ପ୍ରତି ସେକ୍ସନରେ ବିଶ୍ୱ ସ୍ୱାସ୍ଥ୍ୟ ଦିବସ ବିଷୟରେ ସୂଚନା ଦିଆଯାଇଥିଲା । କାର୍ଯ୍ୟକ୍ରମରେ ଶିକ୍ଷକ ସୁଦର୍ଶନ ଦାଶ, ଗ୍ରାମବାସୀ ବିଘ୍ନରାଜ ରଣା, ପଦ୍ମିନୀ ଭୋଇ, ଲମ୍ବ ଜାନି, ଭୂମି ମାଝି ତଥା ଅନ୍ୟାନ୍ୟ ବ୍ୟକ୍ତି ବିଶେଷ ସହଯୋଗ କରିଥିଲେ । ଶିକ୍ଷୟତ୍ରୀ ରେଣୁକା ସାହୁ  କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଶିକ୍ଷୟତ୍ରୀ ଗାୟତ୍ରୀ ବାରିକ ଧନ୍ୟବାଦ ଦେଇଥିଲେ ।