06-Apr-2021

ବଲାଙ୍ଗିର,(ପ୍ରେରଣା ଖବର)- ଆଜି ବଲାଙ୍ଗିର ଗାନ୍ଧିଷ୍ଟାଡିୟମଠାରେ ଆୟୋଜିତ ଓସିଏ ଭିଜନ ୨୦୨୪ ସିନିୟର ଇନ୍‌ଟ୍ରାକ୍ଳବ ସୁପରଲିଗ୍ କ୍ରିକେଟ ପ୍ରତିଯୋଗିତାରେ ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ବିଜୟ ଲାଭ କରିଛି । ଆଜିର ପ୍ରତିଯୋଗିତା ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ଓ ପାଟଣାଗଡ କ୍ରିକେଟ କ୍ଳବ ମଧ୍ୟରେ ଅନୁଷ୍ଠିତ ହୋଇଥିଲା । ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ଟସ୍ ଜିଣି ପ୍ରଥମେ ବ୍ୟାଟିଂ କରି ୪୯.୫ ଓଭରରେ  ସମସ୍ତ ଉଇକେଟ କରାଇ ୨୬୨ ରନ୍ ସ୍କୋର କରିଥିଲେ । ଦଳ ତରଫରୁ ସନ୍ତୋଷ ଆନନ୍ଦ ମିଶ୍ର ସର୍ବାଧିକ ୧୨୦ ରନ୍ ଓ ରୋହିତ ନାଗ ୬୪ ରନ୍ ସଂଗ୍ରହ କରିଥିଲେ । ପାଟଣାଗଡ କ୍ରିକେଟ ଦଳ ତରଫରୁ ହର ବେନ୍ତାକର, ବିଶାଳ ହାତୀ ଓ ପଲ୍ଳବ ନାଗ ପ୍ରତ୍ୟେକ ୨ ଟି ଲେଖାଁଏ ଉଇକେଟ ଅକ୍ତିଆର କରିଥିଲେ । ୨୬୩ରନ୍‌ର ଲକ୍ଷକୁ ପିଛା କରିବାକୁ ଯାଇ ପାଟଣାଗଡ କ୍ରିକେଟ କ୍ଳବ ୪୪.୩ ଓଭରରେ ସମସ୍ତ ଉଇକେଟ ହରାଇ କେବଳ ୨୦୦ ରନ୍ ସଂଗ୍ରହ କରି ୬୨ ବ୍ୟବଧାନରେ ମ୍ୟାଚ୍‌କୁ ହରାଇଥିଲେ । ଦଳ ତରଫରୁ ବିକାଶ ବନ୍‌ଛୋର ସର୍ବାଧିକ ୭୧ ରନ୍ ଓ ସୁମନ ପଟ୍ଟନାୟକ ୪୭ ରନ୍ କରିଥିଲେ । ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ତରଫରୁ ପୁର୍ଣ୍ଣଚନ୍ଦ୍ର ବର୍ଗତ୍ତୀ ୪ ଗୋଟି ଓ ସ୍ୱାଗତ ପଟ୍ଟନାୟକ ୨ ଗୋଟି ଉଇକେଟ ଅକ୍ତିଆର କରିଥିଲେ ।  ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବର ସନ୍ତୋଷ ଆନନ୍ଦ ମିଶ୍ରଙ୍କୁ ତାଙ୍କର ଅଲରାଉଣ୍ଡ ପ୍ରଦର୍ଶନ ପାଇଁ ଆଜିର ଶ୍ରେଷ୍ଠ ଖେଳାଳି ଘୋଷିତ କରାଯାଇଥିଲା । 
ଏହି ମ୍ୟାଚକୁ ସମିର କୁମାର ପାଣିଗ୍ରାହୀ ଓ ଶ୍ୟାମସୁନ୍ଦର ପଣ୍ଡା ପରିଚାଲନା କରିଥିବା ବେଳେ ସୁଭମ ନାଏକ ଓ ସ୍ୱାଗତ ସ୍କୋରର ଦାୟିତ୍ୱ ତୁଲାଇଥିଲେ । ଆସନ୍ତା କାଲି (ବୁଧବାର) ନବକିଶୋର କ୍ଳବ ଓ ନାଏକ କ୍ରିକେଏ ଏକାଡେମୀ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହେବ ।