04-Apr-2021

ବୌଦ୍ଧ(ପ୍ରେରଣା ଖବର  ବ୍ୟୁରୋ) ବୌ ଦ୍ଧ  ଜିଲ୍ଲା ବାଉଁଶୁଣୀ ଥାନା ଅଞ୍ଚଳରେ ଘଟିଛି ଏକ ଅଭାବନୀୟ ଘଟଣା । ଗତ ମାସ ୩ ତାରିଖରୁ ନିଖୋଜଥିବା କଙ୍କଲା ଗ୍ରାମର ଭଦ୍ରି ମହାକୁଡଙ୍କ ପୁଅ ବିମ୍ବାଧର ମହାକୁଡଙ୍କ ମୃତ ଦେହ ଆଜି ଡମ୍ବରୁଗଡ ଶ୍ମଶାନ ଘାଟରୁ ଉଦ୍ଧାର କରିଛି ବାଉଁଶୁଣୀ ପୋଲିସ ।  ମିଳିଥିବା ସୂଚନା ଅନୁସାରେ କଙ୍କଲା ଗ୍ରାମର ଅମିତ ମହାକୁଡ ଓ କାର୍ତ୍ତିକ ମହାକୁଡ  ଡମ୍ବରଗାଡ ଜଙ୍ଗଲରୁ ବାରାହ ଶିକାର ପାଇଁ ଜଙ୍ଗଲ ମଧ୍ୟରେ ବିଦ୍ୟୁତ ଖଞ୍ଜା ଫାସ ବସାଇଥିଲେ । ହେଲେ ଦୁର୍ଭାଗ୍ୟ ବଶତଃ ସେହି ଫାସ ରେ ପଡି ବିମ୍ବାଧର ର ମୃତ୍ୟୁ ହୋଇଥିବା ଜଣାପଡିଛି । ଏ ଘଟଣାକୁ ଚପାଇବାକୁ ଯାଇ ଡମ୍ବରୁଗାଡ ମହାନଦୀ କୂଳ ଶ୍ମଶାନ ଘାଟରେ ବାଲି ଭିତରେ ଶବକୁ ପୋତି ଦେଇଥିଲେ । ସେହି ଦିନ ଠାରୁ ଅର୍ଥାତ ଗତ ମାର୍ଚ୍ଚମାସ ୩ ତାରିଖରେ ବିମ୍ବାଧର ମହାକୁଡଙ୍କ ପିତା ଭଦ୍ରି ମହାକୁଡ ଥାନା ପୁଅ ନିଖୋଜଥିବା ନେଇ ଅଭିଯୋଗ କରିଥିଲେ । ବାଉଁଶୁଣୀ ଥାନାର SI ଶ୍ରୀ ଥନାପତିଙ୍କ ଅନୁସନ୍ଧାନ ପରେ ଘଟଣାର ସତ୍ୟତା ଜଣାପଡିଥିଲା । ଅନୁସନ୍ଧାନକୁ ଭିତ୍ତି କରି ଗତକାଲି ବାଉଁଶୁଣୀ ଥାନା କେସ ନଂ ୪୧/୨୧ରେ ଏକ ମାମଲା ରୁଜୁକରି ଏଥିରେ ସଂପୃକ୍ତି ଥିବା ଅମିତ ମହାକୁଡ ଓ କାର୍ତ୍ତିକ ମହାକୁଡକୁ ପୋଲିସ ଅଟକ ରଖି ପଚରା ଉଚୁରା କରିବା ପରେ ଆଜି ଡମ୍ବରୁଗଡ ଶ୍ମଶାନ ଘାଟରୁ ବାଲିରେ ପୋତାଯାଇଥିବା ମୃତ ଦେହକୁ ମାଜିଷ୍ଟ୍ରେଟ୍ ଙ୍କ ଉପସ୍ଥିତିରେ ଉଦ୍ଧାର କରି ଶବକୁ ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡିଛି । ଏଥିରେ ଆଉ କେତେ ଜଣ ସଂପୃକ୍ତ ଅଛନ୍ତି କି ନାହିଁ ନାହିଁ ତାର ତଦନ୍ତ ଜାରିରଖିଛି ପୋଲିସ ।