04-Apr-2021

ବଲାଙ୍ଗିର,- ଆଜି ବଲାଙ୍ଗିର ଗାନ୍ଧିଷ୍ଟାଡିୟମଠାରେ ଆୟୋଜିତ ଓସିଏ ଭିଜନ ୨୦୨୪ ସିନିୟର ଇନ୍‌ଟ୍ରାକ୍ଳବ ସୁପରଲିଗ୍ କ୍ରିକେଟ ପ୍ରତିଯୋଗିତାରେ ନବକିଶୋର କ୍ଳବ ବିଜୟୀ ହୋଇଛି । ଆଜିର ପ୍ରତିଯୋଗିତା ନବକିଶୋର କ୍ଳବ ଓ ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ମଧ୍ୟରେ ଅନୁଷ୍ଠିତ ହୋଇଥିଲା । ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ଟସ୍ ଜିଣି ପ୍ରଥମେ ବ୍ୟାଟିଂ କରି ୪୫ ଓଭରରେ ସମସ୍ତ ଉଇକେଟ ହରାଇ ୧୭୧ ରନ୍   ସ୍କୋର କରିଥିଲେ । ଧର୍ମେନ୍ଦ୍ର ମିଶ୍ର ଓ ସନ୍ତୋଷ ମିଶ୍ର ସର୍ବାଧିକ ୨୬ ରନ୍ ଲେଖାଏଁ ସଂଗ୍ରହ କରିଥିଲେ । ନବକିଶୋର ଦଳ ପକ୍ଷରୁ  ଗୋଲକ ବିହାରୀ ସିଂ ଦେଓ ୫ ଟି ଓ ବାବୁଲୁ ସେଠି ୨ ଟି ୱିକେଟ ଅକ୍ତିଆର କରିଥିଲେ । ୧୭୨ ରନ୍‌ର ଲକ୍ଷକୁ ପିଛା କରିବାକୁ ଯାଇ ନବକିଶୋର କ୍ଳବ ୨୬.୩ ଓଭରରେ ୩ ଉଇକେଟ ବିନିମୟରେ ୧୭୬ ରନ୍ ସଂଗ୍ରହ କରିଏହି ମ୍ୟାଚକୁ ୭ ଉଇକେଟ ରେ ବିଜୟୀ ହୋଇଥିଲେ । ନବକିଶୋର ଦଳ ତରଫରୁ ବାବାୁଲୁ ସେଠୀ ଅପରାଜିତ ୧୨୫ରନ୍ ଓ ପୁରେୁଷୋତ୍ତମ ଅପରାଜିତ ୧୬ ରନ୍ ସଂଗ୍ରହ କରିଥିଲେ । ୟଙ୍ଗ ଷ୍ଟୁଡେଣ୍ଟ କ୍ରିକେଟ କ୍ଳବ ପକ୍ଷରୁ ପୁର୍ଣ୍ଣଚନ୍ଦ୍ର ବଗତ୍ତି ୨ ଗୋଟି ଓ ଧର୍ମେନ୍ଦ୍ର ମିଶ୍ର ଗୋଟିଏ ଉଇକେଟ ଅକ୍ତିଆର କରିଥିଲେ । ନବକିଶୋର ଦଳର ବାବୁଲୁ ସେଠୀଙ୍କ ତାଙ୍କର ତାଙ୍କର ଅଲରାଉଣ୍ଡର ପ୍ରଦର୍ଶନ ପାଇଁ ଆଜିର ଶ୍ରେଷ୍ଠ ଖେଳାଳୀ ଘୋଷିତ କରାଯାଇଥିଲା । ଏହି ମ୍ୟାଚକୁ ଓସିଏ ମାନ୍ୟତା ପ୍ରାପ୍ତ ଅମ୍ପାୟାର ପୃଥ୍ୱୀରାଜ ମିଶ୍ର ଓ ସମୀର କୁମାର ପାଣିଗ୍ରାହୀ ପରିଚାଲନା କରିଥିବା ବେଳେ ସୁଭମ ନାଏକ ଓ ସ୍ୱାଗତ ସ୍କୋରର ଦାୟିତ୍ୱ ତୁଲାଇଥିଲେ ।