03-Apr-2021

ଭୁବନେଶ୍ୱର, (ଶୁଭାଶିଷ ନାୟକ) : ରାଜ୍ୟ କରୋନା ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି । ଆରମ୍ଭ ହୋଇଛି ଦ୍ୱିତୀୟ ଲହର । ରାଜ୍ୟର 10 ଜିଲ୍ଲାକୁ ନାଇଟ କର୍ଫ୍ୟୁ ଫେରିଛି । ରାତି 10ଟାରୁ ସକାଳ 5ଟା ଯାଏଁ ନାଇଟ କର୍ଫ୍ୟୁ । କରୋନା ସଂକ୍ରମଣ ବୃଦ୍ଧି ପରେ ସ୍ୱତନ୍ତ୍ର ରିଲିଫ କମିଶନର ନିର୍ଦ୍ଦେଶ ଦେଇଛନ୍ତି ।

ରାଜ୍ୟର କରୋନା ସଂକ୍ରମଣ ବଢୁଥିବା 10 ଜିଲ୍ଲାକୁ ରାତ୍ରୀକାଳୀନ କର୍ଫ୍ୟୁ ଫେରିଛି । ସୁନ୍ଦରଗଡ, ଝାରସୁଗୁଡା, ସମ୍ବଲପୁର, ବରଗଡ, ବଲାଙ୍ଗୀର, ନୂଆପଡା, କଳାହାଣ୍ଡି, ନବରଙ୍ଗପୁର, କୋରାପୁଟ, ମାଲକାନଗିରିରେ ନାଇଟ କର୍ଫ୍ୟୁ ଲାଗୁ ହେବ । ଆସନ୍ତା 5 ତାରିଖରୁ ଅନ୍ୟାଦେଶ ଯାଏଁ ରାତି 10ଟାରୁ ସକାଳ 5ଟା ଯାଏଁ ନାଇଟ କର୍ଫ୍ୟୁ ଲାଗୁ ହେବ ।

ନାଇଟ କର୍ଫ୍ୟୁ ବେଳେ ସବୁ ଦୋକାନ , ବ୍ୟବସାୟିକ ପ୍ରତିଷ୍ଠାନ ଓ ଅଫିସ ବନ୍ଦ ରହିବ । ନାଇଟ କର୍ଫ୍ୟୁzବେଳେ ଜରୁରୀ କାର୍ଯ୍ୟକୁ ଛାଡି ଅନ୍ୟ ଯାତାୟତ ଉପରେ ମଧ୍ୟ କଟକଣା ରହିବ । ପୂର୍ବ ଭଳି ଜରୁରାକାଳୀନ ସେବା ଓ କର୍ମଚାରୀ କଟକଣା ମୁକ୍ତ ରହିବେ ।

ପେଟ୍ରୋଲ ପମ୍ପ, ସିଏନଜି ଷ୍ଟେସନ ଖୋଲା ରହିବ । ହୋମ ଡେଲିଭରିକୁ ଅନୁମତି ଦିଆଯିବ । ନାଇଟ କର୍ଫ୍ୟୁ ବେଳେ ସବୁ ଶିଳ୍ପ କାରଖାନା ଖୋଲା ରହିବ । ମେଡିକାଲ ଓ ଅନ୍ୟ ଜରୁରୀ କାମରେ ବାହାରକୁ ଯିବାକୁ ଅନୁମତି ମିଳିବ ।