03-Apr-2021

ପାଟଣାଗଡ଼ (ପ୍ରେରଣା ଖବର): ପାଟଣାଗଡ଼ ର ପୂର୍ବତନ ବିଧାୟକ ତଥା ବିଜେପି ର ବରିଷ୍ଠ ନେତା କନକ ବର୍ଦ୍ଧନ ସିଂହଦେଓ ଙ୍କ ପାଟଣାଗଡ଼ ସ୍ଥିତ ବାସଭବନ ଆଗରେ ଧାରଣାରେ ବସିଲେ ନିର୍ମାଣ କାମରେ ନିୟୋଜିତ ଥିବା ଶ୍ରମିକ l ସୂଚନା ଅନୁସାରେ ବିଧାୟକ ଶ୍ରୀ ସିଂହଦେଓ ଙ୍କ ଭୁବନେଶ୍ବର ଫରେଷ୍ଟ ପାର୍କ (ରାଜ ଭବନ ପାଖ) ସ୍ଥିତ ବାସଭବନରେ ରଙ୍ଗ ଦେବା ଓ  ଉଡ ପୋଲିସ୍ କାମରେ ଲାଗିଥିବା ଠିକା ଶ୍ରମିକ

ମାନଙ୍କୁ ମଜୁରୀ ନଦେଇ ଶ୍ରୀ ସିଂଦେଓ ଆଜି ନେବ କାଲି ନେବ ବୋଲି କହି ଠକି ଚାଲିଥିବା ଅଭିଯୋଗ ହୋଇଛି l ଭୁବନେଶ୍ବର  ଫରେଷ୍ଟ ପାର୍କ ଠାରେ ରହିଛି ପୂର୍ବତନ ବିଧାୟକ କନକ ବର୍ଦ୍ଧନ ସିଂହଦେଓ ଙ୍କ ଆଲିସlନ ବଙ୍ଗଳା l ଏହି ଘର ର ସମସ୍ତ ଉଡ଼ ପୋଲିସ୍ କାମରେ ନିୟୋଜିତ ହୋଇଥିଲେ ଭୁବନେଶ୍ବର ର କାରିଗର ଜମ୍ବେଶ୍ଵର ବିଶ୍ଵାଳ ଓ ତାଙ୍କ କର୍ମଚାରୀ ମାନେ l  ଲକ୍ଷାଧିକ ଟଂକା ର ମେଟ୍ରିଅଲ  ଏହି ଘରେ ବ୍ୟବହୃତ ହୋଇଥିଲା l ଠିକା କାମରେ ନିୟୋଜିତ ଥିବା ମିସ୍ତ୍ରୀ ଜଣକ ହାତରୁ ଖର୍ଚ କରି ଏଥିରେ ଟଙ୍କା ଲଗାଇଥିଲେ ତେବେ ଏହି ନିର୍ମାଣ କାମ ସାରିବା ପରେ ଘର କାମର ପାଉଣା ବାବଦକୁ ମୋଟ 15 ଲକ୍ଷ 37 ହଜାର 3 ଶହ ଟଂକା ବାକି ରହିଥିବା ଓ ଟଙ୍କା ପାଇଁ ଗଲେ ଅନେକ ଗାଳି ଶୁଣିବାକୁ ପଡୁଛି ବୋଲି ଶ୍ରମିକ ମାନେ ଅଭିଯୋଗ

କରିଛନ୍ତି l ଶେଷରେ ଅସନ୍ତୁଷ୍ଟ ଶ୍ରମିକ ମାନେ  ଆଜି ପାଟଣାଗଡ଼ କୁ ଆସି ନିଜର ପାଉଣା ଦାବି କରିଛନ୍ତି l ଏମାନେ ନିଜର ହକ୍ ପାଉଣା ନପାଇବା ପର୍ଯ୍ୟନ୍ତ ଅନଶନ ରୁ ହଟିବେ ନାହିଁ ବୋଲି ଚେତାବନୀ ଦେଇଛନ୍ତି l ଏ ସଂକ୍ରାନ୍ତରେ ଆମେ ପୂର୍ବତନ ବିଧାୟକ କନକ ବର୍ଦ୍ଧନ ସିଂହଦେଓଙ୍କ ମତାମତ ନେବା ପାଇଁ ଫୋନ୍ ରେ ଯୋଗାଯୋଗ କରିବାରୁ ସେ ଫୋନ୍ ରିସିଭ କରିନଥିଲେ l