31-Mar-2021

ବଲାଙ୍ଗିର,(ପ୍ରେରଣା ଖବର) ଆଜି ବଲାଙ୍ଗିର ଗାନ୍ଧି ଷ୍ଟାୟିମଠାରେ ଆୟୋଜିତ ଓସିଏ ଭିଜନ ୨୦୨୪ ସିନିୟର ଇନ୍‌ଟ୍ରାକ୍ଳବ କ୍ରିକେଟ ପ୍ରତିଯୋଗିତାରେ ୟଙ୍ଗଷ୍ଟୁଡେଣ୍ଟ କ୍ରିକେଟ କ୍ଳବ ବିଜୟୀ ହୋଇଛି । ଆଜିର ପ୍ରତିଯୋଗିତାରେ ୟଙ୍ଗଷ୍ଟୁଡେଣ୍ଟ କ୍ରିକେଟ କ୍ଳବ ଓ ଟିଟିଲାଗଡ କ୍ରିକେଟ କ୍ଳବ ମଧ୍ୟରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଟିଟିଲାଗଡ଼ କ୍ଳବ ଟସ ଜିଣି ପ୍ରଥମେ ବ୍ୟାଟିଂ କରି ୨୫.୩ ଓଭରରେ ସମସ୍ତ ଉଇକେଟ ହରାଇ ୧୧୪ ରନ୍ କରିବାକୁ ସକ୍ଷମ ହୋଇଥିଲା । ଦଳ ତରଫରୁ ମହମ୍ମଦ ୟୁସୁଫ ସର୍ବାଧିକ ୪୧ ରନ୍ ଓ ବିକି ନାଗ ୧୮ ରନ୍ କରିଥିଲେ । ୟଙ୍ଗଷ୍ଟୁଡେଣ୍ଟ କ୍ରିକେଟ କ୍ଳବ ତରଫରୁ ଧର୍ମେନ୍ଦ୍ର ମିଶ୍ର ୪ ଟି ଓ ପୁର୍ଣ୍ଣ ଚନ୍ଦ୍ର ବଗର୍ତ୍ତି ୩ ଟି ୱିକଟେ ଅକ୍ତିଆର କରିଥିଲେ । ୧୧୫ ରନ୍‌ର ଲକ୍ଷକୁ ପିଛା କରିବାକୁ ଯାଇ ୟଙ୍ଗଷ୍ଟୁଡେଣ୍ଟ କ୍ରିକେଟ କ୍ଳବ ୨୧ ଓଭରରେ ୩ ଉଇକେଟ  ହରାଇ ୧୧୮ ରନ ସଂଗ୍ରହ କରି ଏହି ମ୍ୟାଚରେ ୭ ଉଇକେଟ ରେ ବିଜୟୀ ହୋଇଥିଲେ । ୟଙ୍ଗଷ୍ଟୁଡେଣ୍ଟ କ୍ରିକେଟ କ୍ଳବ ତରଫରୁ ତନୁ ଶୁଭମ ସର୍ବାଧିକ ୪୮ ରନ୍  ଓ ଅସ୍ମିତ ପ୍ରଧାନ ୩୯ ରନ୍ ସଂଗ୍ରହ କରିଥିଲେ । ଟିଟିଲାଗଡ ଦଳ ତରଫରୁ ଉଭୟ ସୁମିତ ଓ ବୁଲୁ ଗୋଟିଏ ଲେଖାଏଁ ଉଇକେଟ ଅକ୍ତିଆର କରିଥିଲେ । ୟଙ୍ଗଷ୍ଟୁଡେଣ୍ଟ କ୍ରିକେଟ କ୍ଳବର ଧର୍ମେନ୍ଦ୍ର ମିଶ୍ରଙ୍କୁ ତାଙ୍କର ଅଲରାଉଣ୍ଡର ପ୍ରଦର୍ଶନ ପାଇଁ ଶ୍ରେଷ୍ଠ ଖେଳାଳୀ ଘୋଷିତ କରାଯାଇଥିଲା । ଏହି ମ୍ୟାଚକୁ ଓସିଏ ମାନ୍ୟତା ପ୍ରପ୍ତ ଅମ୍ପାୟାର ରାଜେନ୍ଦ୍ର ସେଠ ଓ ମୁକେଶ ସ୍ୱାଇଁ ପରିଚାଲନା କରିଥିବାବେଳେ ସୁଭମ ନାଏକ ସ୍କୋରର ଦାୟିତ୍ୱ ତୁଲାଇଥିଲେ । ତେବେ ଆଜି ଲିଗ୍ ପର୍ଯ୍ୟାୟ ସମାପ୍ତ ହୋଇଥିବା ବେଳେ ନବକିଶୋରକ୍ଳବ, ନାଏକ ଏକାଡେମୀ, ୟଙ୍ଗଷ୍ଟୁଡେଣ୍ଟ କ୍ରିକେଟ କ୍ଳବ ଓ ପାଟଣାଗଡ କ୍ରିକେଟ କ୍ଳବ ଦଳ ପ୍ରତିଯୋଗିତାରେ ସୁପର ଲିଗ ପର୍ଯ୍ୟାୟକୁ ଉନ୍ନୀତ ହୋଇଛନ୍ତି ।