27-Mar-2021

ବଲାଙ୍ଗିର,(ପ୍ରେରଣା ଖବର)- ସମ୍ବଲପୁର ରେଳ ମଣ୍ଡଳରେ ୬୫ ତମ ରେଲ ସପ୍ତାହ ସମାରୋହରେ ମଣ୍ଡଳ ପରିସର ସ୍ଥିତ କମୁନିଟି ହଲଠାରେ ମହାସମାରୋହରେ ପାଳିତ ହୋଇଯାଇଛି । ଉକ୍ତ ସମାରୋହରେ ସମ୍ବଲପୁର ମଣ୍ଡଳ ପ୍ରବନ୍ଧକ ପ୍ରଦୀପ କୁମାର ମୁଖ୍ୟ ଅତିଥି ରୂପେ ଯୋଗଦେଇ ୨୦୨୦ ବର୍ଷର ରେଳ କର୍ମଚାରୀମାନଙ୍କୁ ସେମାନଙ୍କର ଉକୃଷ୍ଟ ସେବା ପାଇଁ ସମ୍ମାନିତ କରିଥିଲେ । ବଲାଙ୍ଗିର ଶ୍ରମିକ ୟୁନିୟନ ସଭାପତି ତଥା ଦେଓଗାଁ ଟ୍ରାଫିକ ସହାୟକ ମଧୁ ସାହୁଙ୍କୁ ନିଜର କର୍ତ୍ତବ୍ୟନିଷ୍ଠା ଓ ଉକୃଷ୍ଟ ସେବା ପାଇଁ ୬୫ତମ ରେଲୱେ ସପ୍ତାହରେ ମାନପତ୍ର ଓ ପୁରସ୍କାର ପ୍ରଦାନ କରିଥିଲେ । ସମାରୋହରେ ମଣ୍ଡଳର ସମସ୍ତ ପଦାଧିକାରୀ କର୍ମଚାରୀ ଉପସ୍ଥିତ ଥିଲେ । ପୁରସ୍କାର ଖବର ପାଇଁ ବଲାଙ୍ଗିର ଶ୍ରମିକ ଶାଖାର ସମସ୍ତ କର୍ମଚାରୀ ଓ କର୍ମକର୍ତ୍ତାଙ୍କ ମଧ୍ୟରେ ଖୁସିର ଲହର ଦେଖାଦେବା ସହ ମଧୁ ସାହୁଙ୍କୁ ଶୁଭେଚ୍ଛା ପ୍ରଦାନ କରିଥିଲେ ।