27-Mar-2021

ଆଗଲପୁର (ଦେବାଶିଷ ପଧାନ): ଆଗଲପୁର ବ୍ଲକ ଅନ୍ତର୍ଗତ ରିନବଚନ ଗ୍ରାମରେ ଗ୍ରାମ୍ୟ ଜଳଯୋଗାଣ ପ୍ରକଳ୍ପ ପକ୍ଷରୁ ଏକ ଓଭରହେଡ଼ ପାଣିଟାଙ୍କି ନିର୍ମାଣ କରାଯାଇଛି ଯାହାକୁ 01.07.2016 ମସିହାରେ ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରା ଉଦଘାଟନ କରିଥିଲେ ହେଲେ ଦୁଃଖର ବିଷୟ ଦୁଇ ଦିନ ହେଲା ପଞ୍ଚାୟତ ପକ୍ଷରୁ ବିଦ୍ୟୁତ ବିଲ ପୈଠ କରିନଥିବାରୁ ବିଦ୍ୟୁତ ବିଭାଗର କର୍ମଚାରୀ ମାନେ ଲାଇନ କାଟିଦେଇଛନ୍ତି ଯେଉଁଥିପାଇଁ ରିନବଚନ ଗ୍ରାମବାସି ସମ୍ପୂର୍ଣ ପି,ଏଚ୍,ଡି ପାଣି ଉପରେ ନିର୍ଭର କରୁଥିବାରୁ ବର୍ତମାନ ଆଉ ପାଣି ପାଇପାରୁନାହାନ୍ତି l ବର୍ତମାନ  ଖରାର ପ୍ରକୋପ ବୃଦ୍ଧି ପାଉଛି କିନ୍ତୁ ପାଣିପାଇଁ ଜନସାଧାରଣ ଦହଗଞ୍ଜ ହେଉଛନ୍ତି ରାଜ୍ୟସରକାରଙ୍କ କଡା ତାଗିଦକୁ ଏଠିବା ମାନୁଛି କିଏ  ? ରାଜ୍ୟସରକାର ବିଶୁଦ୍ଧ ପାନୀୟ ଜଳଯୋଗାଣ ପାଇଁ କୋଟିକୋଟି ଟଙ୍କା ଖର୍ଚ୍ଚକରୁଛନ୍ତି ହେଲେ ଗ୍ରାମପଞ୍ଚାୟତର କର୍ମଚାରୀ ମାନଙ୍କ ଖାମଖିଆଲି ମନୋଭାବ ଯୋଗୁଁ ତାହା ଫଳପ୍ରଦ ହେଉନାହିଁ,ତେଣୁ ଗ୍ରାମବାସି ମଧ୍ୟରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି l ଆଗକୁ ଯଦି ଏହିପରି ସମସ୍ୟା ଲାଗିରହେ ରାଜରାସ୍ତାରେ ଜୋରଦାର ଆନ୍ଦୋଳନ ହେବ ବୋଲି ଗ୍ରାମବାସି କହିଛନ୍ତି l ଏବିଷୟରେ ଆମେ ପଞ୍ଚାୟତ ନିର୍ବାହୀ ଅଧିକାରୀ ସୁରେନ୍ଦ୍ର ପଧାନଙ୍କ ପ୍ରତିକ୍ରିୟା ନେବାରୁ 3 ରୁ 4 ଲକ୍ଷ ଟଙ୍କାବାକି ଅଛି ସରପଞ୍ଚଙ୍କୁ କହିଛି ମଙ୍ଗଳବାର ଦିନ କିଛିଟଙ୍କା ପୈଠ କରିବୁ ବୋଲି କହିଥିଲେ,ତେଣୁ ଜନସାଧାରଣଙ୍କ ମୌଳିକ ଅଧିକାରରୁ ଯେଉଁମାନେ ବଞ୍ଚିତ କରୁଛନ୍ତି ସେହି ଅପାରଗ ଅଧିକାରୀ ମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରିବାପାଇଁ ଦାବିହେଉଛି