22-Mar-2021

ବୌଦ୍ଧ,(ପ୍ରେରଣା ଖବର): ବିଶ୍ୱ କବିତା ଦିବସ ଅବସରରେ କଟକ ସ୍ଥିତ ସହିଦ ଭବନ ଠାରେ ଶ୍ରୀଚନ୍ଦନ ସାହିତ୍ୟ ସଂସ୍କୃତି ଏକାଡେମୀ, କଟକ ଆନୁକୁଲ୍ୟରେ ୪୪ତମ ରାଜ୍ଯସ୍ତରୀୟ କବି‐ଲେଖକ, କଳାକାର ମହାସମାବେଶ, ପୁସ୍ତକ ଉନ୍ମୋଚନ, ସାଧାରଣ ସଭା ଓ ସାରସ୍ବତ ସମ୍ବର୍ଦ୍ଧନା ଅନୁଷ୍ଠିତ ହେଇଯାଇଅଛି । ଏହି ଅବସରରେ ଆର୍ଯ୍ୟକବି ପଣ୍ତିତ ଡଃ ପ୍ରମୋଦ କୁମାର ମିଶ୍ରଙ୍କ ଅଧ୍ଯକ୍ଷତାରେ ପୁର୍ବତନ ସାଂସଦ ତଥା ବିଶିଷ୍ଠ କବି ଡଃ ପ୍ରସନ୍ନ ପାଟ୍ଟଶାଣୀ ମୁଖ୍ୟତିଥି ଭାବେ ଯୋଗଦେଇଥିଲେ ।  ସମ୍ମାନୀତ ଅତିଥି ଭାବେ ନୀଳଗିରୀ ର ରାଜାସାହେବ ଶ୍ରୀଯୁକ୍ତ ଜୟନ୍ତ ଚନ୍ଦ୍ର ମର୍ଦ୍ଦରାଜ ହରିଚନ୍ଦନ ଏବଂ ରାଣୀସାହେବା  ଶ୍ରୀମତୀ ମନୋଜା ମଞ୍ଜରୀ ଦେବୀ, ମାସିକ ଅଗ୍ନିସ୍ପୁଳିଙ୍ଗ ର ସଂପାଦକ ସୁଦର୍ଶନ ମହାପାତ୍ର ଏବଂ ମୁଖ୍ୟବକ୍ତା ଭାବେ ଡଃ ହୁସେନ ରବି ଗାନ୍ଧୀ ଯୋଗ ଦେଇଥିଲେ  । ଓଡିଶା ର ବିଭିନ୍ନ ପ୍ରାନ୍ତର ସମେତ ରାଜ୍ୟ ବାହାରୁ ମଧ୍ୟ ଅନେକ କବି ଓ କଳାକାର ଯୋଗ ଦେଇଥିଲେ । ଏହି ଅବସରେ କବି ନବକିଶୋର ବେହେରାଙ୍କ ସଂଯୋଜନାରେ କବିତା  ଆସର ଆୟୋଜନ ସହ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ବ୍ୟକ୍ତିମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ପଶ୍ଚିମ ଓଡିଶାରୁ ଆଇଜୀବୀ ତଥା ସମାଜସେବୀ ଆଶୁତୋଷ ରଥଙ୍କୁ "ସେବାରତ୍ନ ସମ୍ମାନ" କ୍ରାନ୍ତିଖଡୁ ସମ୍ବାଦପତ୍ର ର ସଂପାଦକ ଗୋପୀନାଥ ସାହୁଙ୍କୁ  "ସମ୍ବାଦ ସୌରବ ସମ୍ମାନ" ଶିକ୍ଷୟିତ୍ରୀ ଚନ୍ଦ୍ରାବତୀ ପାଣ୍ତେଙ୍କୁ "ଶିକ୍ଷାଜ୍ୟୋତି ସମ୍ମାନ" ରେ ସମ୍ମାନିତ କରାଯାଇଛି । କବି ଗୁରୁଦେବ ଘିବେଲା, ଜଟାଧାରୀ ପଧାନ ପ୍ରମୁଖ ବ୍ଯକ୍ତି ବିଶେଷଙ୍କୁ "ବାଣୀପୁତ୍ର ସମ୍ମାନ" ଆଶୁକବି ହେମନ୍ତ ଦାଶଙ୍କୁ "ରାଜ୍ୟସ୍ତରୀୟ କବିତା ସମ୍ମାନ" ରେ ସମ୍ମାନୀତ କରାଯାଇଥିଲା । କାର୍ଯ୍ୟକ୍ରମରେ "ମନସ୍ମିନୀ" ପତ୍ରିକା ସମେତ ବାରଗୋଟି ପୁସ୍ତକ ସଂଙ୍କଳନ ଉନ୍ମୋଚିତ ହୋଇଥିଲା ।  ଶେଷରେ ସଂଗଠନ ର ପ୍ରତିଷ୍ଠାତା ଗିରିଜା ଶଙ୍କର ଶ୍ରୀଚନ୍ଦନ ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।