20-Mar-2021

ବଲାଙ୍ଗୀର(ପ୍ରେରଣା ଖବର)- ମହାତ୍ମା ଗାନ୍ଧୀ ଓଡ଼ିଶାକୁ ୭ ଥର ଆସିଥିଲେ । କଲିକତାରୁ ମାଡ୍ରାସ ଯିବା ବାଟରେ ସେ ଓଡ଼ିଶାରେ କିଛି ଦିନର ରହଣୀ ମଧ୍ୟରେ ବିଭିନ୍ନ ଜିଲ୍ଲାକୁ ଗସ୍ତ କରିଥିଲେ । ତେବେ ଗାନ୍ଧିଙ୍କ ଓଡ଼ିଶା ଆଗମର ୧ଠଠ ବର୍ଷ ପୁର୍ତ୍ତୀ  ସ୍ମୃତିରେ ବଲାଙ୍ଗୀରରେ ପ୍ରଦର୍ଶିତ ହେବ ନାଟକ 'ଗାନ୍ଧିଙ୍କ ଓଡ଼ିଶା' । ଭାଷା ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ପରିବେଷିତ ଏହି ନାଟକ ଆସନ୍ତା ୨୩ ତାରିଖ ସଂଧ୍ୟାରେ ସ୍ଥାନୀୟ ଆଇନ ମହାବିଦ୍ୟାଳୟ ପରିସରରେ ଅନୁଷ୍ଠିତ ହେବ । ଏହି ଅବସରରେ ଆଜି କଳା ଧାମ ଆର୍ଟ ଇନ୍‌ଷ୍ଟିଚ୍ୟୁଟ ଠାରେ ଏକ ପ୍ରେସ ମିଟ୍ ର ଆୟୋଜନ କରାଯାଇଥିଲା । ଏଥିରେ ନାଟକର ନିର୍ଦ୍ଦେଶକ ନାଟ୍ୟଭୂଷଣ ଜଗଦାନନ୍ଦ ଛୁରିଆ, କଳା ଓ ସଙ୍ଗୀତ ନିର୍ଦ୍ଦେଶକ ଦିଲୀପ କୁମାର ସିଂଦେଓ ଓ ଅଭିନେତା ମଧୁସୂଦନ ନାୟକ ପ୍ରମୁଖ ମଂଚାସୀନ ରହି ନାଟକର ପ୍ରସ୍ତୁତି, ନାଟକ ର କଥାବସ୍ତୁ ଓ ନାଟକରେ ଅଭିନୟ କରୁଥିବା କଳାକାର ମାନଙ୍କ ବିଷୟରେ ସୂଚନା ଦେଇଥିଲେ । ଗାନ୍ଧୀଙ୍କ ଓଡ଼ିଶା ଆଗମନର ସ୍ମୃତିକୁ ସମସ୍ତେ ବହୁଳ ଭାବରେ ପ୍ରଚାର ପ୍ରସାର କରିବା ପାଇଁ ଆୟୋଜକଙ୍କ ପକ୍ଷରୁ ନିବେଦନ କରାଯାଇଛି । ସୂଚନାଯୋଗ୍ୟ ଯେ, ଚିତ୍ରକଳା ଅନୁଷ୍ଠାନ କଳାଧାମ ଆନୁକୂଲ୍ୟରେ ପରିବେଷିତ ଏହି ଏହି ନାଟକର ଅବଧି ୧ଘଣ୍ଟା ୪ଠ ମିନିଟ ହୋଇଥିବା ବେଳେ ଏଥିରେ ବିଭିନ୍ନ ଭୂମିକାରେ ବିଶ୍ୱଜିତ, ଅଶୋକ କୁମାର, ନେପାଳ ଚନ୍ଦ୍ର ବାଗ, ଅର୍ଜୁନ, ଜଗଦାନନ୍ଦ, ମଧୁସୂଦନ, କିଶୋର, ଅର୍ଘ୍ୟାର୍ପଣ, ରତ୍ନମୟ, ଭକ୍ତ, ଦିଲୀପ. ସୂରଜ, ଅଜୟ ଅମର, କୁମୁଦିନୀ, ସବିତାମ ସୁଶ୍ରିତା ଓ ଅନ୍ୟମାନେ ଅଭିନୟ କରି ଥିବା ସାମ୍ବାଦିକ ସମ୍ମିଳନୀରେ ସୂଚନା  ଦିଆଯାଇଛି ।