20-Mar-2021

ବୌଦ୍ଧ(ପ୍ରେରଣା ଖବର ବ୍ୟୁରୋ) , ବୌଦ୍ଧ ଜିଲ୍ଲା ହରଭଂଗା ବ୍ଲକର ବୀରନରସିଂହପୁର ସ୍ଥିତ ସାଧୁଚରଣ ସରକାରୀ ଉଚ୍ଚ ବିଦ୍ୟାଳୟ ରେ ଗତ ୫ଦିନ ଧରି ଚାଲିଥିବା ରାଜ୍ୟ ସ୍ତରୀୟ  ରେଡକ୍ରସ ପରାମର୍ଶ ଦାତା ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି l ଉଦଯାପନୀ ଦିବସରେ ରାଜ୍ୟସ୍ତରୀୟ ସାଧନକର୍ମୀ ରବିଚନ୍ଦ୍ର ପଶାୟତ ପତାକା ଉତ୍ତୋଳନ କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ l ପରେ ଏକ ରେଡ଼କ୍ରସ ଶାନ୍ତି ଶୋଭାଯାତ୍ରା ବାହାରି ବିରନରସିଂହ ପୁର ଗ୍ରାମର ଗରିବ ଅସହାୟ ଜନତାଙ୍କୁ ମାସ୍କ ଓ ସାନିଟାଇଜ ପାଇଁ ସାବୁନ ବଣ୍ଟନ କରାଯାଇଥିଲା l ସାଧୁ ଚରଣ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ନିରୋଦ ମେହେର ସଭାପତିତ୍ୱରେ ଆୟୋଜିତ ଏହି ଉଦଯାପନୀ ସଭାରେ ମୁଖ୍ୟ ଅତିଥି ରୂପେ ଜିଲ୍ଲା ଶିକ୍ଷା ଅଧିକାରୀ ଗେଂଦେରା କୁଜୁର ଏବଂ ବୌଦ୍ଧ ଡେପୁଟି କଲେକ୍ଟର ଅବିନାଶ ପାଣ୍ଡିଆ ଯୋଗ ଦେଇଥିଲେ l ମୁଖ୍ୟ ବକ୍ତା ରୂପେ ଯୁବ ରେଡ଼କ୍ରସ ର ଜିଲ୍ଲା ସମ୍ପାଦକ ପ୍ରବୀର ଦାସ ଓ ସମ୍ମାନିତ ଅତିଥି ରୂପେ ହରଭଂଗା ଗୋଷ୍ଠୀ ଶିକ୍ଷା ଅଧିକାରୀ ଦେବରାଜ ପ୍ରଧାନ, ରାଜ୍ୟ ସ୍ତରୀୟ ସାଧନ କର୍ମୀ ରବିଚନ୍ଦ୍ର ପଶାୟତ,ଜିଲ୍ଲା ବିଜ୍ଞାନ ନିରୀକ୍ଷକ ଦେବେନ୍ଦ୍ର ଦେହୁରୀ , ଜିଲ୍ଲା ରେଡକ୍ରସ ଅଧିକାରୀ ନବ କିଶୋର ଦୀପ, ସୁବର୍ଣପୁର ସାଧନ କର୍ମୀ ଚନ୍ଦ୍ରମଣି ବାଘ, ଜିଲ୍ଲା ସାଧନ କର୍ମୀ ପ୍ରମୋଦ ଚାନ୍ଦ ପ୍ରମୁଖ ମଞ୍ଚାସୀନ  ଥିଲେ l କାଯ୍ୟକ୍ରମ କୁ ଜିଲ୍ଲା ସାଧନ କର୍ମୀ ଧିରେନ ପ୍ରଧାନ, କୃଷ୍ଣ ଚନ୍ଦ୍ର ସେଠୀ, ତପନ ନାୟକ ସହଯୋଗ କରିଥିଲେ lପରାମର୍ଶ ଦାତା ମାନସ ମହାପାତ୍ର ଅତିଥି ପରିଚୟ ପ୍ରଦାନ କରିଥିଲେ l ସମସ୍ତ ପରାମର୍ଶ ଦାତା ଙ୍କୁ ସାର୍ଟିଫିକେଟ ପ୍ରଦାନ କରାଯାଇ ଥିଲା l କୃଷ୍ଣ ଚନ୍ଦ୍ର ସେଠୀ ଧନ୍ୟବାଦ 

ଅର୍ପଣ କରିଥିଲେ l ବିଦ୍ୟାଳୟ ର ଶିକ୍ଷକ ବିଭୁତି ଭୂଷଣ ମହକୁଡ଼ ଓ କର୍ମଚାରୀ ରଞ୍ଜନ ପ୍ରଧାନ, ମହାଦେବ ପ୍ରଧାନ, କାଳିଆ ବେହେରା,ଚାମ୍ପେଶ୍ୱର ପାଣିଗ୍ରାହୀ, ପ୍ରତାପ ମେହେର ସହଯୋଗ କରିଥିଲେ l