19-Mar-2021

ନୟାଗଡ,(ପ୍ରଦୀପ କୁମାର ପଣ୍ଡା) ନୟାଗଡ ଜିଲ୍ଲା ଶରଣକୂଳ ଥାନା ଜଗନ୍ନାଥପୁରରେ ଗୁରୁବାର ରାତି ପ୍ରାୟ ସାଢେ ଦଶଟା ସମୟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଦୁଇଜଣ ପ୍ରାଣ ହରାଇଥିବା ବେଳେ  ତିନି ଜଣ ଗୁରୁତର ଅଛନ୍ତି । ଗୁରୁତର ଦୁଇଜଣଙ୍କୁ ଭୁବନେଶ୍ୱରର ସ୍ଥାନାନ୍ତର କରାଯାଇଛି । ଅନ୍ୟଜଣେ ଶରଣକୂଳ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । 

ମୃତକ ଦୁଇଜଣ ହେଲେ ଜଗନ୍ନାଥପୁରର କୃଷ୍ଣ ଚନ୍ଦ୍ର ନାୟକ ଏବଂ ନୟାଗଡ ଟାଉନ ଥାନା ପଥରକଟା ଗାଁର ଶ୍ୟାମସୁନ୍ଦର ସେଠୀ । ଶ୍ୟାମସୁନ୍ଦର ଏବଂ ତାଙ୍କର ଜଣେ ସାଙ୍ଗ ଦୀପକ ସାହୁ ସନ୍ଧ୍ୟାରେ ଗଁର ଜଣଙ୍କ ଠାରୁ ବାଇକ୍ ନେଇ କୌଣସି କାମରେ ଶରଣକୂଳ ଯାଇଥିଲେ । ସେପଟେ ଜଗନ୍ନାଥପୁରର କୃଷ୍ଣ, ମନମୋହନ ନାୟକ ଏବଂ ଅନ୍ୟ ଜଣେ ବ୍ୟକ୍ତି ନିକଟସ୍ଥ ଆଙ୍ଗିସିଙ୍ଗି ଗଁରୁ ସଙ୍କୀର୍ତ୍ତନ ସାରି ବାଇକରେ ଘରକୁ ଫେରୁଥିଲେ ।ସେମାନେ ଘର ନିକଟରେ ପହଞ୍ଚି ସାରିଥିବାବେଳେ ଶ୍ୟାମସୁନ୍ଦର ବାଇକରେ ଦୃତ ଗତିରେ ଆସି ତାଙ୍କୁ ଧକ୍କା ଦେଇଥିଲେ । ଫଳରେ ଦୁର୍ଘଟଣା ଘଟିଥିଲା ।  

ଖବରପାଇ ଶରଣକୂଳ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତ ମୃତାହତଙ୍କୁ ମେଡିକାଲ ପଠାଇଥିଲେ ।ନୟାଗଡ ମେଡିକାଲରେ ଚିକିତ୍ସାଧିନ ଅବସ୍ଥାରେ ଶ୍ୟାମସୁନ୍ଦରଙ୍କର ମୃତ୍ୟୁ ହୋଇଥିବାବେଳେ ଶରଣକୂଳ ମେଡିକାଲରେ କୃଷ୍ଣଙ୍କ ମୃତ୍ୟୁ ହୋଇଥିଲା । ଦୀପକ ଏବଂ ମନମୋହନଙ୍କୁ ଗୁରୁତର ଅବସ୍ଥାରେ  ଭୁବନେଶ୍ୱର ସ୍ଥାନାନ୍ତର କରାଯାଇଛି । ଘଟଣାପରେ ନୟାଗଡ ମେଡିକାଲରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।