19-Mar-2021

ବଲାଙ୍ଗିର(ପ୍ରେରଣା ଖବର ବ୍ୟୁରୋ) : ଧୋକା ଦେଲା ପ୍ରେମିକ । କଥା ଦେଇ କଥା ରଖିଲାନି । ଅଦାବାଟରେ ଛାଡି ଚାଲିଗଲା ପ୍ରେମିକ । ଏପରି ଏକ ଘଟଣା ଏବେ ବଲାଙ୍ଗୀର ଜିଲ୍ଲାରେ ଆଲୋଡନ ଖେଳାଇ ଦେଇଛି । ଜମେ ଯୁବକ ନିଜ ପ୍ରେମିକାକୁ ଭଡା ଘରେ ଛାଡି ଫେରାର ହୋଇ ଯାଇଛନ୍ତି ।

ପ୍ରେମ କଲେ, ବାହା ହେବାକୁ ମନସ୍ଥ କଲେ । ହେଲେ ଦୁହେଁ ଅନ୍ୟ ଜାତିର ହୋଇଥିବାରୁ ପରିବାର ବିରୋଧ କରିବାରୁ ଘରୁ ଫେରାର ହୋଇଗଲେ । ହେଲେ କିଛିଦିନ ବାହାରେ ରହିବା ପରେ ପ୍ରେମିକାକୁ ଭଡାଘରେ ଏକୁଟିଆ ଛାଡି ଚମ୍ପଟ ମାରିଲା ପ୍ରେମିକ। ଏପଟେ ପ୍ରତାରଣା କରିଥିବା ଅଭିଯୋଗରେ ପ୍ରେମିକ ଘର ସାମ୍ନାରେ ଧାରଣା ଦେଇଛି ପ୍ରେମିକା ।

ସୂଚନାନୁସାରେ, ପ୍ରେମିକ ଓ ପ୍ରେମିକ ମଧ୍ୟରେ ଦୀର୍ଘ ଦିନ ହେବ ପ୍ରେମ ସମ୍ପର୍କ ରହିଥିଲା। ଉଭୟେ ଅନ୍ୟ ଜାତିର ହୋଇ ଥିବାରୁ ବିବାହ ପାଇଁ ପରିବାର ସ୍ୱୀକୃତି ନମିଳିବାରୁ ପ୍ରେମିକ ଓ ପ୍ରେମିକା ଘର ଛାଡି ଚାଲିଯାଇ ଥିଲେ । ଏହା ପରେ ପ୍ରେମିକ ଓ ପ୍ରେମିକା ମନ୍ଦିରରେ ବରଣ ମାଳା ଓ ସିନ୍ଦୂର ଦେଇ ବିବାହ କରିଥିଲେ । ବିବାହ ପରେ ସେମାନେ ଖପ୍ରାଖୋଲଠାରେ ଏକ ଭଡ଼ା ଘରେ ସ୍ୱାମୀ-ସ୍ତ୍ରୀ ଭାବେ ରହୁ ଥିଲେ ।

କିନ୍ତୁ ପ୍ରେମିକ ଜଣକ ପ୍ରେମିକାଙ୍କୁ ଭଡ଼ା ଘରେ କିଛି ଦିନ ହେବ ଛାଡ଼ି ଚାଲିଯାଇଥିଲେ ।ଏହାପରେ ପ୍ରେମିକା ନିରୁପାୟ ହୋଇ ପ୍ରେମିକଙ୍କ ଦେଓଗାଁ ଥାନା ସିରବହଲ ଘର ସମ୍ମୁଖରେ ଦୀର୍ଘ ସମୟ ଧରି ଧାରଣରେ ବସିଥିବା ଅଞ୍ଚଳରେ ବେଶ ଚର୍ଚ୍ଚାର ବିଷୟ ପାଲଟିଛି ।