19-Mar-2021

ଝାରସୁଗୁଡ଼ା (ପ୍ରେରଣା ଖବର) : ସହରମୁହାଁ ବନ୍ୟଜନ୍ତୁ। ବିଶେଷ କରି ହରିଣ ସହରକୁ ଚାଲିଆସୁଥିବା ଦେଖିବାକୁ ମିଳିଛି। ବେଲପାହାଡ଼ ସହରାଞ୍ଚଳରେ ହରିଣ ଦେଖିବାକୁ ମିଳିଛି। ଜଙ୍ଗଲରେ ନିଆଁ କିମ୍ବା ଖାଦ୍ୟ ଅନ୍ବେଷଣରେ ସହରକୁ ଚାଳିଆସିଥିବା ହରିଣକୁ କୁକୁର ଆକ୍ରମଣ କରି ଲହୁଲହାଣ କରିପକାଇଛି ।

କୁକୁର କବଳରୁ ହରିଣଟିକୁ ସ୍ଥାନୀୟ ଲୋକେ ରକ୍ଷା କରିଥିବା ବେଳେ ବନ ବିଭାଗକୁ ହସ୍ତାନ୍ତର କରିଛନ୍ତି। ଚିକିତ୍ସା ପରେ ହରିଣଟିକୁ ଜଙ୍ଗଲରେ ଛାଡ଼ିଦିଆଯିବ ବୋଲି ବିଭାଗୀୟ ଅଧିକାରୀ କହିଛନ୍ତି।

ବେଲପାହାଡର ଅନତିଦୂରରେ ଥିବା ସୀତାରାମ ପାହାଡ଼ରୁ ଖାଦ୍ୟ ସଂଗ୍ରହ କିମ୍ବା ଜଙ୍ଗଲ ନିଆଁ​‌ରୁ ରକ୍ଷା ପାଇବାକୁ ସହର ଅଭିମୁଖେ ହରିଣଟି ଚାଲି ଆସିଥିବା କହିଛନ୍ତି ସ୍ଥାନୀୟ ଲୋକେ। ୨ ବର୍ଷ ତଳେ ଗୋଟିଏ ଭାଲୁ ମଧ୍ୟ ଏହି ଅଞ୍ଚଳକୁ ଆସିଥିବା କହଛନ୍ତି ସ୍ଥାନୀୟ ବାସିନ୍ଦା।।