16-Mar-2021

ପାଟଣାଗଡ଼ (ଗୋରେଖନାଥ ବରିହା )  ରାଜ୍ୟ ଓ କେନ୍ଦ୍ର ସରକାର ବିଭିନ୍ନ ସମୟରେ ଅନେକ ଯୋଜନା କାର୍ଯ୍ୟକାରୀ କରିଛନ୍ତି । ସରକାର ଲୋକମାନଙ୍କ ସାମାଜିକ  ଅର୍ଥନୈତିକ ବିକାଶ ପାଇଁ  ଲୋକମାନଙ୍କ ବିଭିନ୍ନ ସ୍ଥିତି ର ଅନୁଧ୍ୟାନ  କରିବା  ୨୦୧୧ ମସିହାରେ ସାମାଜିକ ଅର୍ଥନୈତିକ ନୈତିକ ସର୍ଭେ ଆରମ୍ଭ କରିଥିଲେ । ହେଲେ ସର୍ଭେ ଅନୁସାରେ ଅନେକ ଗରିବ ଶ୍ରେଣୀର ଲୋକେ ସର୍ଭେ ରୁ ବାଦ୍ ପଡ଼ିଥିବା ରୁ ସେମାନେ ସରକାରୀ ସୁବିଧା ସୁଯୋଗରୁ ବଞ୍ଚିତ ହେଉଥିବା ଅଭିଯୋଗ ହେଉଛି । ଅଭିଯୋଗ ଅନୁଯାୟୀ ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଳକ ସୋଲବନ୍ଦ ପଞ୍ଚାୟତ ସୋଲବନ୍ଦ ଗ୍ରାମ ର ଗରୀବ ଆଦିବାସୀ ବିଧବା ମହିଳା ପାଞ୍ଚ ବରିହା ଙ୍କ ପରିବାର  ସର୍ଭେ ରୁ ବାଦ୍ ଦିଆଯାଇଛି । ସେ ତାଙ୍କ ପୁଅ ,ବହୁ  ଝିଅ ନାତି ନାତୁଣୀ  ମିଶି ୮ ଜଣ ଙ୍କୁ ନେଇ ଅତି କଷ୍ଟରେ ପରିବାର ପୋଷଣ କରୁଛନ୍ତି । ତାଙ୍କୁ ବିଧବା ଭତ୍ତା ମିଳିଥିବା ବେଳେ ତାଙ୍କ ଦିବ୍ୟାଙ୍ଗ ଝୀଅଙ୍କୁ ମଧ୍ୟ  ଭତ୍ତା ମିଳୁନଥିବା ଅଭିଯୋଗ କରିଛନ୍ତି । ବିଧବା ପାଞ୍ଚ ବରିହା ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପାଇବା ପାଇଁ ଅନେକ ଥର  ପ୍ରଶାସନ ପାଖରେ ଲିଖିତ  ଗୁହାରି କରିଥିଲେ ମଧ୍ୟ କୌଣସି ସୁଫଳ ମିଳି ନଥିଲା । ଶେଷ ରେ ପାଞ୍ଚ ନିଜ ହକ ପାଇଁ ବ୍ଳକ କାର୍ଯ୍ୟାଳୟ ରେ ଧାରଣ ଦେବାକୁ ବିଡିଓ ଙ୍କୁ ଜଣାଇଥିଲେ । ହେଲେ  ୨୦୧୧ ମସିହାରେ ହୋଇଥିବା ସାମାଜିକ ଅର୍ଥ ନୈତିକ ସର୍ଭେ ଅନୁସାରେ ତାଙ୍କର ନାମ ନଥିବା ଯୋଗୁଁ ପ୍ରାଶାସନ ପକ୍ଷରୁ ଧାରଣା ରୁ ହଟି ଯିବା ପାଇଁ ଲିଖିତ ଜଣାଇଦିଆ ଯାଇଛି ବୋଲି ଗରିବ ଆଦିବାସୀ ବିଧବା ମହିଳା ପାଞ୍ଚ ବରିହା କୋହଭରା କଣ୍ଠରେ କୁହନ୍ତି ।
ସରକାର ଗରିବ ଲୋକଙ୍କ ପାଇଁ ଅନେକ ଯୋଜନା ର ସୁପରିଚାଳନା ପାଇଁ  ସର୍ଭେ ଓ ନିରିକ୍ଷଣ କାମ ରେ ,ଶିକ୍ଷକ,ଶିକ୍ଷୟିତ୍ରୀ ଙ୍କ  ସମେତ ଅନେକ ସରକାରୀ କର୍ମଚାରୀ ଅଧିକାରୀ ମାନଙ୍କୁ ଉକ୍ତ କାମ ରେ ନିଯୁକ୍ତି ଦେଇଥାନ୍ତି । ହେଲେ ବାସ୍ତବିକ ରେ ପାଞ୍ଚ ବରିହା ଙ୍କ ପକ୍ଷରେ  ୨୦୧୧ ର ସାମାଜିକ ଅର୍ଥନୈତିକ ନୈତିକ ସର୍ଭେ କାମ ରେ ନିଯୁକ୍ତଥବା ସରକାରୀ ଅଧିକାରୀ ପାଞ୍ଚ ବରିହା ଙ୍କ ପରିବାର  ସର୍ଭେ ରେ ବାଦ୍ ପଡ଼ିଥିବା ନେଇ ମାଙ୍କଡ ହାତରେ ଶାଳଗ୍ରାମ ସଦୃଶ ହେଉଛି ବୋଲି ମତ ପ୍ରକାଶ ପାଉଛି ।।