16-Mar-2021

ବରଗଡ଼ (ମୁକୁନ୍ଦ ଦାସ): ନିଷ୍ଠା ପରିବାର ତରଫରୁ ସଭାପତି ରକ୍ଷପାଲ ସାହୁ,ସଂପାଦକ ଅଶ୍ବିନୀ ତ୍ରିପାଠୀ ଏବଂ କୋଷାଧ୍ୟକ୍ଷ ଶ୍ୟାମ ସୁନ୍ଦର ସାହୁଙ୍କ ନେତୃତ୍ବ ରେ ବରଗଡ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସକାଳ ୧୦ଟାରୁ ରକ୍ତ ପୃଥକୀକରଣ ୟୁନିଟ୍ (BLOOD SEPARATION UNIT) ବରଗଡ ର ଯଥାଶିଘ୍ର କାର୍ଯ୍ୟକ୍ଷମ ପାଇଁ ନିଷ୍ଠା ପରିବାର ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଶାନ୍ତିପୂର୍ଣ୍ଣ ଧାରଣା ଦିଆଯାଇଥିଲା ।ରକ୍ତ କୁ ନେଇ ଯେଉଁ ବ୍ୟବସାୟିକରଣ ର ଅଭିଯୋଗ ଆସିଛି ତାର ସଠିକ୍ ତଦନ୍ତ ପାଇଁ ଜିଲ୍ଲାପାଳଙ୍କୁ ଏକ ଦାବିପତ୍ର ମଧ୍ଯ ପ୍ରଦାନ କରାଯାଇଥିଲା । ଏହି ଧାରଣା ରେ FOR ର ଅଧ୍ୟକ୍ଷ ଶ୍ରୀଯୁକ୍ତ ଦେବବ୍ରତ ମିଶ୍ର (ଟୁକୁ),ସଂକଳ୍ପ ପରିବାର, ଜନ କଲ୍ୟାଣ ସେବା ଟ୍ରଷ୍ଟ, ଆପ,ସମ୍ବିଧାନ ସୁରକ୍ଷା ମଞ୍ଚ, ଏବଂ ଅନେକ ସ୍ବେଚ୍ଛାସେବୀ ସମର୍ଥନ କରିଥିଲେ ।ଆଜି ଧାରଣା ସ୍ଥଳ କୁ ବରଗଡ ମୁଖ୍ଯ ଜିଳ୍ଲା ଚିକିତ୍ସାଧିକାରୀ ଶ୍ରୀ ଅରୁଣ କୁମାର ପାତ୍ର,ବରଗଡ ରକ୍ତ ଭଣ୍ଡାର ଅଧିକାରୀ ଶ୍ରୀ ସୁଶାନ୍ତ କର ଓ ଡାକ୍ତର ରାଜେଶ କୁମାର ପାଢୀ ଆସି ଆମ ଦାବିପତ୍ର ଗ୍ରହଣ କରିଥିଲେ ଓ ଆଗାମୀ ଦୁଇମାସ ଭିତରେ BLOOD SEPARATION UNIT କାର୍ଯ୍ୟକ୍ଷମ ହେବ ବୋଲି ଲିଖିତ ଭାବରେ ଦେଇଛନ୍ତି । ରକ୍ତ ର ବ୍ୟବସାୟିକରଣ ର ଯେଉଁ ଅଭିଯୋଗ ଆସିଛି ସେ ଉପରେ ମଧ୍ଯ ଦୃଢ କାର୍ଯ୍ୟାନୁଷ୍ଠାନ ହେବ ବୋଲି ପ୍ରତିଶ୍ରୁତି ଦେଇଛନ୍ତି। ଆଗାମୀ ଦିନରେ ଆମର ଏ ଦାବି ମାନ ପୂରଣ ନହେଲେ ଏହା ଏକ ଜନ ଆନ୍ଦୋଳନ ର ରୂପ ନେବ।ନିଷ୍ଠା ପରିବାର ର ଏ ଧାରଣା କୁ ସମର୍ଥନ ଜଣାଇଥିବା ସମସ୍ତ ସହଯୋଗୀ ସଂଗଠନ ଓ ସ୍ବେଚ୍ଛାସେବୀ ମାନଙ୍କୁ ଅନେକ ଅନେକ ଧନ୍ୟବାଦ ଓ ନମସ୍କାର।