13-Mar-2021

ଟିଟିଲାଗଡ଼(ପ୍ରେରଣା ଖବର):ବଲାଙ୍ଗୀର ଜିଲ୍ଲା ଟିଟିଲାଗଡ ଉପଖଣ୍ଡରେ ପାନୀୟ ଜଳଯୋଗାଣ ନେଇ ଉପଜିଲ୍ଲାପାଳ ସ୍ଥାନୀୟ ମୁନିସିପାଲଟି ସଭାଗୃହରେ ଏକ ଜରୁରୀ ବୈଠକ ଆୟୋଜନ କରାଯାଇଥିଲା । ଉପଖଣ୍ଡ ସୂଚନାଓ ଲୋକ ସମ୍ପର୍କ ଅଧିକାରୀ ମନୋଜ ମହାନ୍ତିଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବୈଠକ ଅନୁଷ୍ଠିତ ହୋଇଥିଲା । ଆଗାମୀ ଦିନରେ ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ଏହି ପାନୀୟଜଳ ଯୋଗାଣ ନେଇ ସବିଶେଷ ଆଲୋଚନା କରିବା ସହ ୧୫ଗୋଟି ୱାର୍ଡ ରେ ଥିବା ଓଭର ହେଡ ଟ୍ୟାଙ୍କର କାର୍ଯ୍ୟକାରିତା ସହ ନିର୍ମାଣ ହୋଇ କାର୍ଯ୍ୟକ୍ଷମ ନ ହୋଇ ପଡିରହିଥିବା ଓଭର ହେଡ ଟ୍ୟାଙ୍କର ର  ଉପଯୋଗ ଯଥାଶୀଘ୍ର କରିବା ନିମନ୍ତେ ନିର୍ଦ୍ଦେଶ ଦେଇଥିଲେ । ତେବେ ସପ୍ତାହକୁ ଥରେ ପାନୀୟଜଳ ଯୋଗାଣ ସମସ୍ୟାର ଯଥା ଶୀଘ୍ର ସମାଧାନ କରାଯିବ ବୋଲି ଉପଜିଲ୍ଲାପାଳ ସୂଚନା ଦେଇଛନ୍ତି।