12-Mar-2021

ବୌଦ୍ଧ,(ପ୍ରେରଣା ଖବର ବ୍ୟୁରୋ) : ବୌଦ୍ଧ ବନଖଣ୍ଡ ଅଧିନସ୍ଥ ବଘିଆପଡା ଫରେଷ୍ଟ ସେକ୍ସନର  ଜାମୁଖୋଲ୍ ଗ୍ରାମ ନିକଟସ୍ଥ  ଭୂଇଁ ଛକ ନିକଟରେ ବନ ବିଭାଗ ବଲହା ଚୋରା ଚାଲାଣ କରୁଥିବା ଏକ ଟ୍ରାକ୍ଟର ସମେତ ୬୦ଖଣ୍ଡ ବଲହା  ଜବତ୍ କରିଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ରାତିରେ ବନ ବିଭାଗର କର୍ମଚାରୀ ମାନେ ରାତ୍ରି ପେଟ୍ରୋଲିଂ କରୁଥିବା ବେଳେ ଜାମୁଖୋଲ୍ ଗ୍ରାମ ନିକଟରେ ଗୋଟିଏ ଟ୍ରାକ୍ଟର ଏ ପି ୩୯ ଇଏମ ୫୪୪୪ ଦ୍ୱାରା ବଲହା ଚୋରା ଚାଲାଣ ହେଉଥିବା ଦେଖିବାକୁ ପାଇ ସେଥିରେ ୬୦ ଖଣ୍ଡ ଶାଳ ଓ ଅନ୍ୟାନ୍ୟ ବଲହାକୁ ଜବତ୍ କରିଥିଲେ।  ତେବେ ଅନ୍ଧାରର ସୁଯୋଗ ନେଇ ଚଢାଉ ସମୟରେ ଟ୍ରାକ୍ଟର ଡ୍ରାଇଭର ଗାଡି ଛାଡି ସେଠାରୁ ଚମ୍ପଟ ମାରିବାରେ ସଫଳ ହୋଇଥିଲା। ବନ ବିଭାଗ କାଠ ଓ ଟ୍ରାକ୍ଟରକୁ ଜବତ୍ କରି ତଦନ୍ତ ଚଳାଇଥିବା ଜଣା ପଡିଛି l ଆନ୍ଧ୍ର ପ୍ରଦେଶ ଟ୍ରାକ୍ଟର ନମ୍ବର୍ ଥିବାରୁ ପଡୋଶୀ ରାଜ୍ୟରୁ ଆସି ବଘିଆପଡା ଅଂଚଳରେ କପା ଚାଷ କରୁଥିବା କୌଣସି ବ୍ୟକ୍ତିଙ୍କ ହୋଇଥାଇ ପାରେ ବୋଲି ସନ୍ଦେହ କରାଯାଉଛି l ଚଢାଉରେ ଫରେଷ୍ଟ ଗାର୍ଡ ରାମଚନ୍ଦ୍ର ଦଳବେହେରା, ଶରତ ନାଏକ, ରମାକାନ୍ତ ବେହେରା ଓ ଅନ୍ୟାନ୍ୟ କର୍ମଚାରୀ ସାମିଲ ଥିଲେ