16-Oct-2020

ନୟାଗଡ଼(ପ୍ରଦିପ କୁମାର ପଣ୍ଡା ) :କରୋନା ମହାମାରୀ ର ତାଣ୍ଡବ ରେ ହନ୍ତସନ୍ତ ହେଉଛନ୍ତି ଜନସାଧାରଣ | ସରକାର ଙ୍କ କରୋନା କଟକଣା କୁ କଡାକଡି ଭାବେ ପାଳନ କରିବାକୁ ବାରମ୍ବାର ପ୍ରଶାସନ ତାଗିଦ କରିଚାଲୁଥିବା ବେଳେ ସରକାରୀ କର୍ମଚାରି ମାନେ ଭଙ୍ଗ କରୁଛନ୍ତି ସରକାରୀ ଗାଇଡ଼ଲାଇନ | କରୋନା ମହାମାରୀ କୁ ହରାଇବା ପାଇଁ ଜନସଚେତନତା କାର୍ଯ୍ୟକ୍ରମ ସାରା ଓଡ଼ିଶାରେ ଚାଲୁ ରହିଛି | କିନ୍ତୁ ସରକାରୀ କାର୍ଯ୍ୟାଳୟ ରେ କର୍ମଚାରୀ କରୋନା କଟକଣା କୁ କରୁଛନ୍ତି ଫୁ ¿ ଖଣ୍ଡପଡା ବ୍ଲକ ଅଧିନସ୍ଥ କୁମ୍ଭାରପଡ଼ା ପଞ୍ଚାୟତ ବାସୀଙ୍କୁ ସମସ୍ତ ପ୍ରକାର ସୁବିଧା ଯୋଗାଇ ଦେବାର ମହତ ଲକ୍ଷ ନେଇ କୁମ୍ଭାରପଡ଼ା ଶାଖା ଡାକଘରଟି ଦୀର୍ଘ 50 ବର୍ଷ ରୁ ଉର୍ଦ୍ଧ ସମୟ ଧରି କାର୍ଯ୍ୟକାରୀ ହୋଇ ଆସୁଅଛି | ମାତ୍ର ବିଭାଗୀୟ ଉଚ୍ଚ କର୍ତ୍ତୃପକ୍ଷ ଙ୍କ ଅଣଦେଖା ହେତୁ ସମୟାନୁକ୍ରମେ ଅଞ୍ଚଳବାସୀ ଙ୍କୁ କେତେକ ସେବା ଯୋଗାଇବାରେ ବିଫଳ ହୋଇଥିବା ସାଧାରଣରେ ଅଭିଯୋଗ ହେବା ସହିତ ଉକ୍ତ ଡାକଘର ର ଅଧିକାରିଣୀ ଶୁଭଲକ୍ଷ୍ମୀ ସାହୁ ଏଥିରେ ସହମତି ପ୍ରକାଶ କରିଛନ୍ତି | ସୂଚନାଯୋଗ୍ୟ ବର୍ତମାନ ର କରୋନା ସ୍ଥିତି ଆଖିରେ ରଖି ଡାକଘର ଗୁଡିକରେ ଟଙ୍କା ଦେଣନେଣ ଠୁଁ ଆରମ୍ଭକରି ଜମାକାରୀ ମାନେ ଟଙ୍କା ଜମାକରିବା, ମନରେଗା ଯୋଜନାରେ ଜବକାର୍ଡ ଧାରୀଙ୍କୁ ପ୍ରାପ୍ୟ ପ୍ରଦାନ କରାଯିବା ଭଳି ଅନେକ ସରକାରୀ କାର୍ଯ୍ୟକ୍ରମ ଡାକଘର ସେବା ଅନ୍ତର୍ଭୁକ୍ତ କରାଯାଇଛି | ହେଲେ ଏହିସବୁ ସେବା ଜନସଧାରଣ ଠିକ ଭାବେ ପାଇନପାରିବାର ଦୋଷୀଭାବେ ମଧ୍ୟଖଣ୍ଡ ଡାକଘର ର ଅବହେଳିତ ସେବା ଉପରେ ଅଙ୍ଗୁଳି ନିର୍ଦେଶ କରିଛନ୍ତି କୁମ୍ଭାରପଡ଼ା ଶାଖା ଡାକଘର ର ଅଧିକାରିଣୀ ଶୁଭଲକ୍ଷ୍ମୀ ସାହୁ | ତେଣୁ ଏହି ଅସୁବିଧାର ଆସୁସମାଧାନ କରାଯିବା ପାଇଁ ଉଚ୍ଚ କର୍ତ୍ତୃପକ୍ଷ ତଦନ୍ତ କରି ଦୃଢ ପଦକ୍ଷେପ ନେବାପାଇଁ ସାଧାରଣରେ ଦାବି ହେଉଛି |