16-Oct-2020

ବଲାଙ୍ଗିର ୧୬ା୧୦, - ସର୍ବ ଶିକ୍ଷା ଅଭିଯାନ ତଥା ମୁକ୍ ଓ ବାଧ୍ୟତାମୂଳକ  ସମ୍ବିଧାନିକ ମୌଳିକ ଶିକ୍ଷା ଅଧିକାର ବିରୁଦ୍ଧରେ ପ୍ରାଥମିକ ,ଉଚ୍ଚ ପ୍ରାଥମିକ ବିଦ୍ୟାଳୟ ମିଶ୍ରଣ ନାମରେ ବଲାଙ୍ଗିର ଜିଲ୍ଲାର ୨୯୬ ପ୍ରାଥମିକ ବିଦ୍ୟାଳୟ ସମେତ ବୌଦ୍ଧ, ନବରଙ୍ଗପୁର, ଗଜପତି, ଢ଼େଙ୍କାନାଳ ଜିଳ୍ଲାର ହଜାର ହଜାର ବିଦ୍ୟାଳୟଗୁଡିକକୁ ବନ୍ଦ କରିବାକୁ ଗଣ ଏବଂ ସ୍କୁଲ ଶିକ୍ଷା ବିଭାଗ ନିଷ୍ପତି ନେଇଛନ୍ତି । ଭାରତ ସରକାରଙ୍କ ନୀତି ଆୟୋଗଙ୍କ ନିର୍ଦ୍ଦେଶରେ ବିଦ୍ୟାଳୟର ମିଶ୍ରଣ କାର୍ଯ୍ୟକ୍ରମରେ ଓଡିଶାର ଗ୍ରାମୀଣ ଏବଂ ସ୍ଥାନୀୟ ବିଦ୍ୟାଳୟ ବନ୍ଦ ହୋଇଯାଉଛି । ପ୍ରଥମ କ୍ଳାସ ରୁ  ୫ମ ପର୍ଯ୍ୟନ୍ତ କୁନୀ କୁନୀ ଛାତ୍ର ଛାତ୍ରୀ ଅନ୍ୟ ଗାଁ ସ୍କୁଲକୁ ଯାଇ ପାରିବେ ନାହିଁ । ବିଶେଷତଃ ଗାଁ ଲୋକେ ଚାଷୀ, ମୂଳିଆ ଓ ଶ୍ରମିକ ଶ୍ରେଣୀର ହୋଇଥିବାରୁ ନିଜ ଛୋଟ ପିଲାଙ୍କୁ ଅନ୍ୟତ୍ର ଗାଁ କୁ ନେବା ଆଣିବା ପାଇଁ ବହୁ ଅସୁବିଧା ହେବ, ଯଦ୍ୱାରା ଛାତ୍ରଛାତ୍ରୀ ଶିକ୍ଷାର ମୌଳିକ ଅଧିକାର ରୁ ବଞ୍ଚିତ ହୋଇ ରହିଯିବେ । ଓଡିଶା ସରକାରଙ୍କ ଘୋଷିତ ଯାତାୟତ ଖର୍ଚ୍ଚ ବାବଦକୁ ୫୦୦ ଟଙ୍କାର କୌଣସି ମୁଲ୍ୟ ନାହିଁ । ନିଜ ଗାଁ ରୁ ଅନ୍ୟ ଗାଁ ସ୍କୁଲ ର ଦୁରତା ୨ ରୁ ୫ କି.ମି ରାସ୍ତା ଜନିତ ଆପଦ ଯୋପରି ପଶୁ ଆକ୍ରମଣ (ଭାଲୁୁ, ବାଘ, ଗଧିଆ, ମାଙ୍କଡ) ଛୁଆଚୋର ସହ ରାସ୍ତା ଜନିତ ଦୁର୍ଘଟଣା ଭଳି ବିପଦସଙ୍କୁଳ ଅଟେ । ଦୀର୍ଘ ବର୍ଷ ବର୍ଷ ଧରି ନିଜ ଗାଁର ଚାଟଶାଳି କୁ ବନ୍ଦ କରିବା ତଥା ସେହି ସ୍ଥାନରେ ଘରୋଇ ବିଦ୍ୟଶଳୟର ସ୍ଥାପନାକୁ ପ୍ରୋସ୍ନାହନ ଦେବା ଗରୀବ ଶ୍ରେୀଣୀର ଜନ ସାଧାରଣଙ୍କ ପିଲାଙ୍କର ନୀତି ଓଡିଶା/ଭାରତ ସରକାର ବନାଇଛନ୍ତି । ତେଣୁ ଆସନ୍ତା ୧୯ ଅକ୍ଟୋବର,୨୦୨୦ ସୋମବାର ଦିନ  ଓଡିଶା ବନ୍ଦ ଡାକରା ଭିଲେଜର୍ସ ଇଣ୍ଡିଆ ପାର୍ଟି ତଥା ଓଡିଶା ପ୍ରଥମିକ ବିଦ୍ୟାଳୟ ବଂଚାଓ ସମିତି ଦ୍ୱାରା ଘୋଷଣା କରାଯାଇଛି । ଏହା ସହିତ ବଲାଙ୍ଗିର ଜିଲ୍ଳାପାଳ କାର୍ଯ୍ୟାଳୟ ସମ୍ମୁଖରେ ଗତ ୨ ଅକ୍ଟୋବର  (ଗାନ୍ଧୀ ଜୟନ୍ତୀ) ଠାରୁ ଅନିଶ୍ଚିତକାଳୀନ ଧାରଣା ଡାକରା ଭିଲେଜର୍ସ ଇଣ୍ଡିଆ ପାର୍ଟି ତଥା ଓହଇଶା ପ୍ରାଥମିକ ବିଦ୍ୟାଳୟ ବଛାଓ ସମିତି ଦ୍ୱାରା ଜାରି ରିହିଛି । ଯେ ପର୍ଯ୍ୟନ୍ତ ପ୍ରାଥମିକ- ଉଚ୍ଚ ପ୍ରାଥମିକ ବିଦ୍ୟାଳୟ ବନ୍ଦ ଏବଂ ମିଶ୍ରଣ ନିଷ୍ପତି ତଥା ଗୋଟିଏ ଗ୍ରାମକୁ ଗୋଟିଏ ବିଦ୍ୟାଳୟ  ନିତି ସେ ପର୍ଯ୍ୟନ୍ତ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଧାରାଣା ଏବଂ ଆମର ଓଡିଶା ବନ୍ଦ ଡାକରା ଜାରି ରହିବ ବୋଲି ଭିଲେଜର୍ସ ଇଣ୍ଡିଆ ପାର୍ଟିର ଅଧ୍ୟକ୍ଷ ଡ. ବିପିନ କୁଶଲିଆ ସ୍ଥାନୀୟ ସାମ୍ବାଦିକ ସମ୍ମିଲନୀରେ କହିଛନ୍ତି । 
    ଏହା ସହିତ ଓଡିଶା ଓ ବଲାଙ୍ଗିରେ ବନ୍ଦ ପଡିଥିବା କୃଷିଭିତ୍ତିକ ଉଦ୍ୟୋଗ ବିଜୟାନନ୍ଦ ଚିନିକଳ, ସୋନପୁର ବରଗଡ ସୁତାକଳ, କେସିଙ୍ଗାକଟନ ଫେକ୍ଟରୀ, ବରଗଡ ଚିନିକଲ, ଲୋୟସୁକତେଲ  ଜଳ ସେଚନ ପ୍ରକଳ୍ପ, କେବିକେ ଯୋଜନା, ବଲାଙ୍ଗିର ହାଇକୋର୍ଟ ବେଂଚ ପୁନଃ ସ୍ଥାପନା, ବ୍ରଜରାଜ ପେପର ମିଲ, କଲିଙ୍ଗ ଇସ୍ପାଦ କାରଖାନା, ତାଲଚେର ସାର କାରଖାନା, ବଲାଙ୍ଗିର ବସ ଟର୍ମିନାଲ, ସିଙ୍ଗଡୋଲ ତଥା ସୋନଗଡ ନଦୀବନ୍ଧ ଯୋଜନା, ବଲାଙ୍ଗିର ବିଇଡି କଲେଜ ସହ ୧୪ ଗୋଟି ବିଇଡି କଲେଜ ପ୍ରକଳ୍ପ ମାନଙ୍କରେ ପୁନଃଉଦ୍ଧାର ଏବଂ ପୁଣି ଆରମ୍ଭ କରିବାପାଇଁ ଓଡିଶା ବନ୍ଦ ଦୌରାନ ପ୍ରଧାନ ମନ୍ତ୍ରୀ ଏବଂ ମୁଖ୍ୟ ମନ୍ତ୍ରୀଙ୍କୁ ଭିଲେଜର୍ସ ଇଣ୍ଡିଆ ପାର୍ଟି ପକ୍ଷରୁ ନିବେଦନ କରାଯାଇଛି ।