05-Mar-2021

ଉଲୁଣ୍ଡା(ଗୌର ଚନ୍ଦ୍ର ପରିଛା):  ଉଲୁଣ୍ଡା ଅଂଚଲରେ ବର୍ଷ ବର୍ଷ ଧରି ହାତୀ ଉପଦ୍ରବ ଲାଗିରହିଛି । ବିଭିନ୍ନ ସମୟରେ ହାତୀ ପଲ ଗାଁ ମୁହାଁ ହୋଇ  ଧନ ଜୀବନ ହାନୀ ଘଟୁଛି । ଏହି କ୍ରମରେ ଗତକାଲି ବିଲମ୍ବିତ ରାତ୍ରୀରେ  ବ୍ଲକର ପଣ୍ଡକିଟାଲ ଗ୍ରାମରେ ହାତୀ ଆକ୍ରମଣର ଶିକାର ହୋଇ ବୃଦ୍ଧ ବାପାର ମୃତ୍ୟୁ ହୋଇଥିବା ବେଳେ ôଝଅ ଆହତ ହୋଇଥିବା ଜଣାପଡିଛି । ମୃତ ବୃଦ୍ଧ ଜଣକ ହେଲେ ସମ୍ବଲପୁର ଜିଲ୍ଲା  ହର୍ଲୀପାଲି ଗାଁର ନାରାୟଣ ଭୋଇ ଓ ଆହତ ôଝଅ ହେଲେ ନିଲା । ସୂଚନା ଅନୁସାରେ ନାରାୟଣ ପ୍ରାୟ ୧୭ ବର୍ଷ ହେବ ପଣ୍ଡକିଟାଲ ଗ୍ରାମରେ ଥିବା ôଝଅ ନିଲା, ଜ୍ୱାଇ ବିଶିକେଶନଙ୍କ ଘରେ ରହୁଥିଲେ । ସବୁଦିନ ଭଲି ପରିବାରଟି ଖାଇପିଇ ଶୋଇଥିଲେ । ରାତି ପ୍ରାୟ ୩ଟା ସମୟରେ ଏକ ଦନ୍ତାହାତୀ ବିଶିକେଶନଙ୍କ ଘର ନିକଟରେ ଥିବା ଜଣେ ପଡୋଶୀଙ୍କ ଘରକୁ ଭାଙ୍ଗୁଥିଲା । ହାତୀ ଆସିଥିବା ଜାଣିପାରି ବିଶିକେଶନଙ୍କ ପରିବାର ଉଠିପଡି ହୋ ହଲ୍ଲା କରିଥିଲେ । ହୋ ହଲ୍ଲା ଶୁଣି ଦନ୍ତାଟି ବିଶିକେଶନଙ୍କ ପରବାର ଉପରେ ଆକ୍ରମଣ କରିଥିଲା । ନିଜ ଜୀବନ ବଂଚାଇ ପରିବାର ଲୋକେ ଧାଁ ଦୌଡ କରିଥିଲେ । ଏହି ସମୟରେ ନାରାୟଣଙ୍କ କାନକୁ ଠିକ ଭାବରେ ଶୁଣାଯାଉନଥିବା ବେଳେ ନାତିଙ୍କ ସହିତ ଶୋଇଥିବା ଅନ୍ୟ ଏକ କୋଠରୀରୁ ବାହାରକୁ ଚାଲିଆସିଥିଲେ । ସେଠାରେ ଥିବା ଦନ୍ତାଟି ନାରାୟଣଙ୍କୁ ଟାଣି ଆଣି କଚାଡି ଦେଇଥିଲା । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଅନ୍ୟ ୭ଜଣ ସଦସ୍ୟ ଅଲ୍ପକେ ବର୍ତୀଯାଇଥିଲେ । ହେଲେ ତାଙ୍କ ôଝଅ ନିଲା ଖଣ୍ଡିଆ ଖାବରା ହୋଇ ଆହତ ହୋଇଥିଲେ ।   ପରିବାର ଲୋକେ ତୁରନ୍ତ ବନବିଭାଗକୁ ଫୋନ କରିଥିଲେ ମଧ୍ୟ କେହି ଆସିନଥିବାରୁ ହାତୀ ଆକ୍ରମଣର ଶିକାର ହୋଇଥିବା  ଅଭିଯୋଗ କରିଛନ୍ତି । ଖବର ପାଇ ଉଲୁଣ୍ଡା ପୁଲିସ ଏବଂ ବନବିଭାଗ ଘଟଣା ସ୍ଥଳରେ ପହଂଚି ଶବ ଜବତ କରିବା ସହ ଏକ ମାମଲା ରୂଜୁ କରିଥିଲା । ପରେ ଶବ ବ୍ୟବଚ୍ଛେଦପରେ ପରିବାରକୁ ହସ୍ତାନ୍ତର କରିଥିଲା । ଏହି ଘଟଣାକୁ ନେଇ  ଗାଁରେ ଉତେଜନା ଦେଖାଦେଇଥିଲା । ପରିବାର ଲୋକଙ୍କୁ ସୁରକ୍ଷା ଦେବା ସହ କ୍ଷତିପୁରଣ ଦାବି କରିଥିଲେ । ଏସଆଇ ଶରତ ଆଚାର୍ଯ୍ୟ, ରେଂଜର ଶିବ ପ୍ରଶାଦ ନାଏକ, ଫରେଷ୍ଟର ଦିନେଶ ମାôଝ ଉତ୍ୟକ୍ତ ଲୋକଙ୍କୁ ତଥା ପରିବାରକୁ ସୁରକ୍ଷା ବ୍ୟବସ୍ଥା କରିବା ସହ ସରକାରୀ ସହାୟତା ଯୋଗାଇ ଦେବାକୁ ପ୍ରତିଶୃତି ଦେବାପରେ ପରିସ୍ଥିତି ଶାନ୍ତ ପଡିଥିଲା । ପ୍ରକାଶ ଥାଉକି ଗତ ୫.୧୧.୨୦ ତାରିଖରେ ହାତୀ ପାହୁଲ ଗାଁର ଉଗ୍ରେସନ ଭୋଇଙ୍କ ହାତୀ ଆକ୍ରମଣରେ ମୃତ୍ୟୂ ହୋଇଥିବା ବେଳେ ୯.୧୦.୨୦ ତାରିଖରେ କୁତମେଣ୍ଡା ଗାଁର କୃଷ୍ଣ ଝରିଆ ମଧ୍ୟ ଗୁରୁତର ହୋଇଥିଲେ । ତେବେ ଅଂଚଲରେ ଏଭଲି ଘଟଣା ବାରମ୍ବାର ଘଟୁଥିଲେ ମଧ୍ୟ ବନବିଭାଗ ନିଦାବିଷ୍ଣୁ ସାଜିଛି । ଫଲରେ ବହୁ ଜୀବନହାନୀ ଘଟୁଥିବା ବେଳେ ଅଂଚଲବାସୀ ଆତଙ୍କିତ ଅବସ୍ଥାରେ ଜୀବନ କାଟୁଛନ୍ତି । ଦିର୍ଘ ଦିନ ହେବା ଦନ୍ତା ହାତୀଟି ଆତଙ୍କ ଖେଲାଉଥିଲେ ମଧ୍ୟ ବନବିଭାଗର ତତ୍ୱରତା ଦେଖାଦେଉ ନଥିବାରୁ ଅଂଚଲବାସୀଙ୍କ ମନରେ ଗଭିର ଆଘାତ ଲାଗିଛି । ଆଗାମି ଦିନରେ   ରାଜରାସ୍ତାକୁ ଓହ୍ଲାଇବା ନେଇ ମଧ୍ୟ ଅଂଚଲବାସୀ ସଜବାଜ ହେଉଥିବା ଆଲୋଚନା ହେଉଛି । ଉଲୁଣ୍ଡା ଅଂଚଲରେ ରନ୍ଧାମଦ କାରବାର ଚାଲୁଥିବା ବେଳେ ମହୁଲ ଫାସ ଖାଇବା ପାଇଁ ହାତୀ ପଲ ଜଙ୍ଗଲ ଛାଡୁନଥିବା ଆଲୋଚନା ହେଉଛି । ଏକ୍ଷେତ୍ରରେ ଅବକାରୀ ଏବଂ ବନବିଭାଗ ମିଳିତ ପଦକ୍ଷେପ ନନେଲେ ଆଗାମି ଦିନରେ ଅଧିକ ଧନଜୀବନ ହାନୀ ହେବାର ଆଶଙ୍କା କରାଯାଉଛି । ଏନେଇ ରେଂଜର ଶ୍ରୀଯୁକ୍ତ ନାଏକଙ୍କୁ ପଚାରିବାରୁ ଅନ୍ତେଷ୍ଟିକ୍ରୀଆ ପାଇଁ ଆଜି ୪୦ ହଜାର ଦିଆଯାଇଥିବା ବେଳେ ଆବଶ୍ୟକ କାଗଜାତ ଜମା କଲାପରେ ଅବଶିଷ୍ଠ ୩ ଲକ୍ଷ ୬୦ ହଜାର ଟଙ୍କା ଦିଆଜିବ ବୋଲି ପ୍ରକାଶ କରିଥିଲେ ।