27-Feb-2021

ବଲାଙ୍ଗିର/ ସୋନପୁର,(ପ୍ରେରଣା ଖବର) ସନ୍ଥକବି ଭୀମଭୋଇଙ୍କ ସାଧନା,ସିଦ୍ଧି ଓ ସମାଧିପୀଠ ଖଲିଆପାଲିଠାରେ ଆଜିଠାରୁ କେବଳ ସାଧୁସନ୍ଥଙ୍କ ଦ୍ବାରା ନୀତିକାନ୍ତି ସହିତ ମାଘମେଳା ଆରମ୍ଭ ହୋଇଛି । ପ୍ରତିବର୍ଶ ମାଘମାସ ଶୁକ୍ଲଚତୁର୍ଦଶୀ ଓ ପୂର୍ଣ୍ଣମୀରେ ହଜାର ହଜାର ଭକ୍ତଙ୍କ ସମ୍ବେଳନ ହୋଇଥାଏ । କିନ୍ତୁ ଚଳିତ ବର୍ଷ କୋଭିଡ କଟକଣା ଯୋଗୁଁ ନିରାଡମ୍ବର ଭାବରେ ମାଘମେଳାକୁ ପାଳନ କରିବାକୁ ପ୍ରଶାସନ ନିସ୍ପତ୍ତି ନେଇଛି ସେଥିପାଇଁ ଭକ୍ତମାନଙ୍କୁ ମନ୍ଦିର ଦର୍ଶନ ମନା ରହିଛି । ତେବେ ସଂପୂର୍ଣ୍ଣ କଟକଣା ମଧ୍ୟରେ ସନ୍ୟାସୀ ବାବାଙ୍କ ପ୍ରତ୍ୟକ୍ଷ ତତ୍ବାବଧାନରେ ପୂଜାର୍ଚ୍ଚନା ସହିତ ସଂନ୍ଧ୍ୟାରେ ୧୦୮ ଝାଡବତୀ ଲଗାଯାଇ ଜଗତର କଲ୍ୟାଣ ନିମନ୍ତେ ସାଧୁସନ୍ଥମାନେ ମହିମା ଡାକ ଦେଇଥିଲେ । ସନ୍ଧା ୬ଟାରେ ମେଳାପଡିଆଠାରେ ଭୀମଭୋଇଙ୍କର ଏକ ପ୍ରତିମୂର୍ତ୍ତି ଉନ୍ମୋଚିତ ହୋଇଥିଲା । ସମାଧିପୀଠ ଟ୍ରଷ୍ଟର ମେନେଜିଂଟ୍ରଷ୍ଟି ଛତ୍ରଧାରୀ ଅଗ୍ରଓ୍ବାଲଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ସୁବର୍ଣ୍ଣପୁର ଜିଲ୍ଲାର ଅତିରିକ୍ତ ଜିଲ୍ଲାପାଳ ସୂର୍ଯ୍ୟନାରାୟଣ ଦାସ,ସମ୍ମାନୀତ ଅତିଥି ଭାବରେ ଉପଜିଲ୍ଲାପାଲ ନିହା୍ରରଂଜନ କୁଅଁର , ତହସିଲଦାର ନବୀନକୁମାର ପାଢୀ,ଆକାଶ ର୍ଂଜନ ସାହୁ, ସୋନପୁର ବ୍ଲକ ଅଧ୍ୟକ୍ଷା ମନ୍ଦାକିନୀ ନାଗ,ଖଲିଆପାଲି ସରପନ୍ଚ ରଘୁନାଥ ଅଗ୍ରଓ୍ବାଲ, ସମିତି ସଭ୍ୟା ଅମୃତା ପଟେଲ ପ୍ରମୁଖ ଯୋଦେଇ

ଥିଲେ । ଏହି ଅବସର ରେ ଆର୍ତ ତ୍ରାଣ ବାବୁଙ୍କ ଦ୍ବାରା ଲିଖିତ ସନ୍ଥଭାଗବତ ପୁସ୍ତକ କୁ ଅତିଥିଗଣ ଲୋକାର୍ପିତ କରିଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ରାଜ୍ୟ ଅଣଗେଜେଟେଡ କର୍ମଚାରୀ ସଂଘର ରାଜ୍ୟ ସଭାପତି ଜ୍ୟୋତିର୍ଜନ ପଟ୍ଟନାୟକ, ଖଲିଆପାଲିର ବରିଷ୍ଠ ସଭ୍ୟ ମହାଦେବ ବଗର୍ତ୍ତି,ସୁମନ୍ତ ପୁଟେଲ,ଅଫିସ ସେକ୍ରେଟାରୀ ଜନ୍ମେଜୟ ସ୍ବାଇଁ,ଅଶୋକ ବଡମାଲି,ବିଭୁତି ନେଗୀ ପ୍ରମୁଖ ଉପସ୍ଥିତ ଥିଲେ ।