26-Feb-2021

କୋଦଳା(ଉମା ମହାରଣା) : ଆଜି ସର୍ବଭାରତୀୟ ସ୍ତରରେ ବନ୍ଦ ଡାକରା ଦେଇଛନ୍ତି ବ୍ୟବସାୟୀ ସଂଘ । ଫୁଟପାଥଠୁ ଆରମ୍ଭ କରି ଇଣ୍ଡଷ୍ଟ୍ରିଜ ଯାଏଁ ସବୁ ବନ୍ଦ ରହିଥିଲା । ଜିଏସଟି ନିୟମ ପରିବର୍ତନ, ଅନଲାଇନ ବ୍ୟବସାୟ ଉପରେ ଆଇନ ଆଣିବା ଏବଂ ଖାଦ୍ୟ ନିରପତା ମାନ ଆଇନକୁ ପରିବର୍ତନ କରିବା ଦାବିରେ ଏହି ବନ୍ଦ ଡାକରା ଦିଆଯାଇଥିଲା ।

ତେବେ ଆଜିର ବନ୍ଦ ପାଳନ ସକାଳ ୬ ଘଂଟା ଠାରୁ ସନ୍ଧ୍ୟା ୬ ଘଟିକା ପର୍ଯ୍ୟନ୍ତ ବନ୍ଦ ପାଇଁ ନିର୍ଦେଶ ରହିଥିଲା। ସେପଟେ ବନ୍ଦ ଡାକରାକୁ ଆଖିରେ ରଖି ଛତ୍ରପୁର ରେ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିଲା ବୋଲି ଛତ୍ରପୁର  ପୋଲିସ କହିଛି । ମାର୍କେଟରେ ପୁଲିସ ଫୋର୍ସ ମୁତୟନ ମଧ୍ୟ ହୋଇଛନ୍ତି । ବେଗୁନିଆପଡାରେ ମଧ୍ୟ ସମସ୍ତ ଦୋକାନ ବନ୍ଦ ରହିଥିଲା। କିନ୍ତୁ କୋଦଳାରେ ଏହା ସମ୍ପୂର୍ଣ୍ଣ ଓଲଟା ଦେଖାଯାଇଥିଲା ଓ ସମସ୍ତ ଦୋକାନ ବାଡ଼ି ମଧ୍ୟ ଖୋଲା ରହିଥିବା ଦେଖିବାକୁ ମିଳିଥିଲା।
 ବ୍ୟବସାୟୀ ସଂଘର ଯୁକ୍ତି ହେଲା ଜିଏସଟିର ରୁପରେଖରେ ପରିବର୍ତନ ହୋଇଯାଇଛି । ୨୦୧୭ ଜୁଲାଇରେ ସରକାର ଜିଏସଟି ଆଣିଥିଲେ । କିନ୍ତୁ ମୂଳ ଜିଏସଟିରେ ଯାହା ଥିଲା ଏବେ ସେଥିରେ ପରିବର୍ତନ ହୋଇଥିବା କହୁଛି ବ୍ୟବସାୟୀ ସଂଘ ।