25-Feb-2021

କଳାହାଣ୍ଡି,କୋକସରା(ତ୍ରିନାଥ ଵେଶ୍ରା)
କଳାହାଣ୍ଡି ଜ଼ିଲ୍ଲା ଜୟପାଟଣା ବ୍ଳକ ଅଧିନସ୍ତ ଅଁଳାଭଟା ପଞ୍ଚାୟତର କୁକୁଡ଼ି  ଗାଁ ଠାରେ ଆଜି ନାଗରିକ ବିକାଶ ସଂଗଠନ , କଳାହାଣ୍ଡି ତଥା ମହିଳା ଶ୍ରମଜୀବୀ ମଞ୍ଚ ଓ ଓଡ଼ିଶା ଶ୍ରମଜୀବୀ ମଞ୍ଚ ତରଫରୁ ବ୍ଳକ ସ୍ତରୀୟ ଉଦଘାଟନୀ କାର୍ଯ୍ୟ କ୍ରମ ମିଶନ୍  ୧ଲକ୍ଷ ଅଭିଜାନର ଶୁଭାରମ୍ଭ ହୋଇଯାଇଛି। ଏହି ଅବସରରେ ଅଁଳାଭଟା ନାଏକ ସରପଞ୍ଚ ଶ୍ରୀଯୁକ୍ତ ମଧୁବନ ବେସରା ଉଦଘାଟନୀ କାର୍ଯ୍ୟ କ୍ରମ ରେ ଯୋଗଦାନ କରି ଉଦଘାଟନ କରିଥିଲେ ଓ ଏହି ଅଭିଜାନ ର ଲକ୍ଷ୍ୟ ଉଦ୍ଦେଶ୍ୟ କୁ ଲୋକମାନେ ବହୁ ପ୍ରଶଂସା କରିଥିଲେ।

ନିମନ୍ତ୍ରିତ ଅତୀଥି ମାନଙ୍କ ମଧ୍ୟରେ ଜଗଦୀଶ ଚନ୍ଦ୍ର
ମାଝୀ ,ଦୈତାରୀ ଦାସ  ଯୋଗଦେଇଥିଲେ । ମିଶନ ୧ଲକ୍ଷ ଅଭିଯାନ ନାମରେ ନାମିତ ଏହି କାର୍ଯ୍ୟକ୍ରମ ମାଧ୍ୟମରେ ସାରା ଓଡ଼ିଶାର ୧୭ ଗୋଟି ଜିଲ୍ଲାରେ ୧ଲକ୍ଷ ଛାତ୍ରଛାତ୍ରୀ ଙ୍କୁ ଶିକ୍ଷା ପ୍ରଦାନ କରାଯିବ ।ଯେଉଁ ମାନେ ଅଧିକାଂଶ ସମୟରେ ସେମାନଙ୍କ ଶିକ୍ଷା ପାଇଁ ସରକାରୀ ବିଦ୍ୟାଳୟ ଉପରେ ନିର୍ଭର କରିଥାନ୍ତି । ସେମାନେ ଏହି ଯୋଜନାରେ ଲାଭାନିତ୍ବ ହେବେ । ଏହି କାର୍ଯ୍ୟକ୍ରମ ୩ଟି ପର୍ଯ୍ୟାୟରେ ୧୦୦ଦିନ ପର୍ଯ୍ୟନ୍ତ ଚାଲିବ ।ଏହି କାର୍ଯ୍ୟକ୍ରମ ଅନୁଯାୟୀ ପ୍ରଥମ ପର୍ଯ୍ୟାୟରେ ୧୦୦ରୁ ଊର୍ଦ୍ଧ୍ବ ମୋ ଚାଟଶାଳୀ କେନ୍ଦ୍ର ପରିଚାଳିତ ହେବ। ଯେଉଁଥିରେ ୧ମ ଶ୍ରେଣୀ ରୁ ୫ମ ଶ୍ରେଣୀ ର ୧୫୦୦୦ରୁ ଊର୍ଦ୍ଧ୍ବ ଛାତ୍ରଛାତ୍ରୀ ଙ୍କୁ ସ୍ଵେଚ୍ଛାସେବୀ ଶିକ୍ଷକ/ଶିକ୍ଷୟତ୍ରୀ ଙ୍କ ମାଧ୍ୟମରେ ଶିକ୍ଷା ପ୍ରଦାନ କରାଯିବ । ଏହି ସ୍ଵେଚ୍ଛାସେବୀ ଶିକ୍ଷକ/ଶିକ୍ଷୟତ୍ରୀ ମାନଙ୍କୁ  ଛାତ୍ରଛାତ୍ରୀମାନ ଙ୍କୁ ପ୍ରତିକାର ମୂଳକ ପାଠ ପଢାଇବା ପାଇଁ ତାଲିମ ଦିଆଯିବା ଦ୍ୱାରା ସେମାନେ ଆବଶ୍ୟକୀୟ ଦକ୍ଷତା ହାସଲ କରିପାରିବେ । ସମସ୍ତ ମୋ ଚାଟଶାଳୀ ରେ ରାଜ୍ୟ ସରକାର ଙ୍କ ଉଜ୍ବଳ ୧ମ  ଶ୍ରେଣୀ ରୁ ୫ମ ଶ୍ରେଣୀ ପାଇଁ ଉଦ୍ଧିଷ୍ଟ ଶିକ୍ଷଣ ବୃଦ୍ଧି ପୁସ୍ତିକାର   ବିଷୟବସ୍ତୁ ଗୁଡିକୁ ଅନୁସରଣ କରି ଶିକ୍ଷା ଦିଆଯିବ । ପ୍ରାରମ୍ଭ ରୁ କେବଳ ଓଡ଼ିଆ ଓ ଗଣିତ ବିଷୟରେ ଦକ୍ଷତା ବୃଦ୍ଧି କରାଯିବ ।

ଛାତ୍ରଛାତ୍ରୀ ମାନଙ୍କ ଶିକ୍ଷଣ ଫଳାଫଳକୁ ତ୍ବରାନ୍ବିତ କରିବା ସକାଶେ ସ୍ଵେଚ୍ଛାସେବୀ ଶିକ୍ଷକ/ଶିକ୍ଷୟତ୍ରୀ ମାନେ ନିୟମିତ ଭାବରେ ମୂଲ୍ୟାଙ୍କନ କରିବେ । ଏହି କାର୍ଯ୍ୟକ୍ରମକୁ ସଂଗଠନ କର୍ମୀବୃନ୍ଦ ଦିଲ୍ଲୀପ ଛତ୍ରିଆ ,ପର୍ଶୁରାମ ଠାକୁର ,ନବୀନ କୁମାର ସୁନାନୀ,ଭବାନୀ ଶଙ୍କର ମାଝୀ ,ତଥା ଗାଁ କମିଟିରୁ ସ୍ଵେଚ୍ଛାସେବୀ ଶିକ୍ଷକ/ଶିକ୍ଷୟତ୍ରୀ ମାନେ ଉପସ୍ଥିତ ରହି ଥିଲେ l