25-Feb-2021

ବଲାଙ୍ଗୀର,(ସନ୍ତୋଷ କୁମାର ଠାକୁର): ଆସନ୍ତା ଏପ୍ରିଲ ୨୧ ତାରିଖ ପବିତ୍ର ରାମ ନବମୀ ଦିନ ବଲାଙ୍ଗୀରରୁ ପ୍ରକାଶିତ ସାପ୍ତାହିକ ପ୍ରେରଣାର ୧୭ତମ ସ୍ୱନକ୍ଷତ୍ର ଦିବସ ପାଳନ ଅବସରରେ ପ୍ରେରଣା ପକ୍ଷରୁ ଏକ ପ୍ରସ୍ତୁତି ବୈକ ସ୍ଥାନୀୟ ପୂର୍ତ୍ତ ବିଭାଗ ଡାକବଙ୍ଗଳା ଠାରେ ଅନୁଷ୍ଠିତ ହୋଇଯାଇଛି । ‘ପ୍ରେରଣା’ର ସଂପାଦକ ରଘୁ ନନ୍ଦନ ସିଂହଙ୍କ ଆବାହକତ୍ୱରେ ଅନୁଷ୍ଠିତ ଏହି ବୈଠକରେ ପ୍ରେରଣାର ସ୍ୱନକ୍ଷତ୍ର ଦିବସକୁ କିପରି ସୁଚାରୁ ରୂପେ ପାଳନ କରାଯାଇପାରିବ ସେ ନେଇ ବିଭିନ୍ନ ଆଲୋଚନା କରାଯାଇଥିଲା । ସ୍ୱନକ୍ଷତ୍ର ଦିବସରରେ ପ୍ରକାଶନ ଅପେକ୍ଷାରେ ଥିବା ସ୍ମରଣିକା ପାଇଁ ଏକ କମିଟି ଗଠନ କରାଯାଇ ଆଗ୍ରହୀ ଲେଖକ, ଲେଖିକା ମାନଙ୍କ ଠାରୁ ଲେଖା ଆହ୍ୱାନ କରାଯାଇଥିଲା । ସ୍ମରଣିକା କମିଟିରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ମଳୟ ମିଶ୍ର, ପୂର୍ଣ୍ଣ ଚନ୍ଦ୍ର ପଣ୍ଡା, ବୀରେନ୍ଦ୍ର ଝାଙ୍କର, ସନ୍ଦୀପ କୁଅଁର, ରତ୍ନମୟ ତ୍ରିପାଠୀ ଓ ମନୋରଂଜନ ସାହୁ ରହିଥିଲେ । ଠିକ ସେହିପରି ଉକ୍ତ ଦିନ ଏକ କବିତା ପାଠୋତ୍ସବ ଆୟୋଜନ ହେବାକୁ ଥିବା ବେଳେ ଏହାକୁ ପରିଚାଳନା କରିବା ପାଇଁ ଲକ୍ଷ୍ମୀନାରାୟଣ ପଟ୍ଟନାୟକ,ରତ୍ନମୟ ତ୍ରିପାଠୀ, ଅର୍ଜୁନ ସାହୁଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା । ପ୍ରଚାର ପ୍ରସାର କମିଟିରେ ସାମ୍ବାଦିକ ମୁକେଶ ବହିଦାର,ସନ୍ତୋଷ ଠାକୁର, ଦେବାଶିଷ ମିଶ୍ର, କୁନା ବାଗ ଓ ବିଭୁକଲ୍ୟାଣ ଗଡତ୍ୟାଙ୍କ ସମେତ ଶିକ୍ଷକ ରଂଜିତ ମିଶ୍ର ଓ ଏଡଭୋକେଟ ସୁଭାସ ନନ୍ଦ ପ୍ରମୁଖ  ରହିଛନ୍ତି । ଖାଦ୍ୟ କମିଟର ପରିଚାଳନା ପାଇଁ  ବାବୁ ପୂଜାରୀଙ୍କୁ ଦାୟିତ୍ୱ ନ୍ୟସ୍ତ କରାଯାଇଛି । ଉପଦେଷ୍ଟା ମଣ୍ଡଳୀରେ ବରିଷ୍ଠ ସାମ୍ବାଦିକ ଗୋପବନ୍ଧୁ ଶତପଥୀ, ମନୋଜ କୁମାର ମିଶ୍ର, ହିମାଂଶୁ ଖମାରୀ, ଗୋବର୍ଦ୍ଧନ ଭୋଇ ଏବଂ ଗାଳ୍ପିକ ମଳୟ ମିଶ୍ର ରହିଛନ୍ତି ।