24-Feb-2021

ସାନଖେମୁଣ୍ଡି(ପ୍ରେରଣା ଖବର): ରାସ୍ତା କାମ ସାରି ଫେରିବା ବେଳେ ଓଲଟି ପଡିଲା ଟ୍ରାକ୍ଟର। ଦୁର୍ଘଟଣାରେ ୧୭ ଜଣ ଆହତ ହୋଇଥିବା ବେଳେ ଜଣଙ୍କ ମୃତ୍ୟୁ ହୋଇଛି।

ମୃତକ ହେଲେ ୪୦ ବର୍ଷୀୟ ବନିତା ସାହୁ। ପୁଣି ଆହତ ୧୭ ଜଣଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଗୁରୁତର ଥିବା ମଧ୍ୟ ଜଣାପଡିଛି।

ଗଞ୍ଜାମ ଜିଲ୍ଲା ଜରଡା ଥାନା ଅନ୍ତର୍ଗତ ପାତ୍ରପୁର ରାଜପୁର ନିକଟରେ ଏଭଳି ଅଭାବନୀୟ ଘଟଣା ଘଟିଛି। ପାତ୍ରପୁର ମେଡିକାଲରେ ଆହତଙ୍କୁ ଭର୍ତ୍ତି କରାଯାଇଥିବା ବେଳେ ଗୁରୁତରଙ୍କୁ ଏମ୍‌କେସିଜି ମେଡିକାଲରେ ଭର୍ତ୍ତି କରାଯାଇଛି।

ଏହି ଦୁର୍ଘଟଣା ପରେ ସ୍ଥାନୀୟ ଜରଡା ପୋଲିସ, ପାତ୍ରପୁର ତହସିଲଦାର ଅମିତ ନାୟକ ପାତ୍ରପୁର ଏବଂ  ବିଡ଼ିଓ ହସ୍ପିଟାଲରେ ପହଞ୍ଚି ସମସ୍ତ ଆହତଙ୍କ ସ୍ବାସ୍ଥ୍ୟାବସ୍ଥା ସଂପର୍କରେ ପଚାରି ବୁଝିଛନ୍ତି।