26-Sep-2020

ମଧୁମୟ କଳା ସଂଗଠନ ତରଫରୁ କଳାକାରମାନଙ୍କୁ ସମ୍ବର୍ଦ୍ଧନା

 ବରଗଡ   :  ବରଗଡ ମଧୁମୟ କଳା ସଂଗଠନ ତରଫରୁ କରୋନ କଟକଣାକୁ ଦୃଷ୍ଟିରେ ରଖି ସରକାରୀ ନିତିନିୟମକୁ ପାଲନ କରି ଅନଲାଇନ ମାଧ୍ୟମରେ  ନୃତ୍ୟ , ଗୀତ, ଅଭିନୟ , କବିତା , ଲୋକ ବାଦ୍ୟ ର ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ଅବସରରେ ଆଜି ଆସ୍ଥା ନିବାସ ବରଗଡ ଠାରେ ସଂଗଠନ ର ଅଧ୍ୟକ୍ଷ ମୋତିଲାଲ ବାଗ ଙ୍କ ଅଧ୍ୟକ୍ଷତାରେ ମୁଖ୍ୟଅତିଥି ଭାବେ ଡଃ ବିରେନ୍ଦ୍ର କୁମାର ବାଗ ଲୋକ କଳା ସଂସ୍କୃତି ଗବେଷକ ଓଡିଶା ମୂଖ୍ୟ ଅତିଥି ଭାବରେ ଯୋଗ ଦେଇଥିବା ବେଲେ ଓଡିଶା କର୍ମଜୀବୀ ସାମ୍ବାଦିକ ସଂଘ ରାଜ୍ୟ ଉପସଭାପତି ତଥା ମୁଧୁମୟ କଳା ସଂଗଠନ ର ଆଇନ ପରାମର୍ଶଦାତା ଆଶୁତୋଷ ରଥ ଯୋଗଦେଇ କଳା କୁ କିପରି ଉଦ୍ଜୀବିତ  କରାଯାଇ ପାରିବ ,କଳା ସଂସ୍କୃତି ଓ କଳାକାର କୁ ଚିରନ୍ତନ ବିକଶିତ କିପରି ଭାବରେ କରାଯାଇପାରିବ ସେ ସଂପର୍କରେ ଆଲୋକପାତ କରିଥିଲେ । ସୁ ଶ୍ରୀ ସୌଭାଗ୍ୟ ଲକ୍ଷ୍ମୀ ଦାଶ ପ୍ରାରମ୍ଭିକ ଗାନ କରିଥିବା ବେଲେ ସଂପାଦକ ଜଗନ୍ନାଥ କୁମ୍ଭାର ଅତିଥି ପରିଚୟ ପ୍ରଦାନ  ଏବଂ ସଂଗଠନର ବିବରଣୀ ପାଠ କରିଥିଲେ । ପ୍ରତିଯୋଗିତାରେ ସୁ ଶ୍ରୀ ସୌଭାଗ୍ୟ ଲକ୍ଷୀ ଦାଶ , ଯତିନ କୁମାର ସାହୁ , ବଳରାମ ସାହୁ , ମମତା ଅଗଓ୍ବାଲ , ଆଲିଶା ଅଗ୍ରଓ୍ବାଲ , ଆକାଂକ୍ଷା ଅନ୍ନପୂର୍ଣା ସାହୁ , ଆର୍ଯ୍ୟନ ମହାନନ୍ଦ  , ରାମ ବାରିକ , ଜିତ ସୁନା , ଅଶୋକ ଉର୍ମା , ଆରାଧ୍ୟା ଗୁରୁ , ସ୍ବୟାଂସୁ ସତ୍ୟ ପ୍ରଜ୍ଞା ସାହୁ , କବିତା ବିଭାର , ସୁ ଶ୍ରୀ ଅର୍ଚ୍ଚିତା ରଥ , ସିଦ୍ଧି ଦାଶ  ପ୍ରମୁଖ ପ୍ରତିଯୋଗିଙ୍କୁ  ଉତ୍ତରୀୟ , ମାନପତ୍ର ଏବଂ ପୁଷ୍ପଗୁଚ୍ଛ ଦେଇ ତିରିଶ ଜଣ ପ୍ରତିଭାଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶେଷରେ ନରେନ୍ଦ୍ର ପାଇକ ଧନ୍ୟବାଦ ଅର୍ପଣ କରିଥିଲେ ।