12-Feb-2021

ଉଲୁଣ୍ଡା (ଗୌରଚନ୍ଦ୍ର ପରିଛା) ଉଲୁଣ୍ଡା ପଂଚାୟତ ସମିତି ଜୁନିୟର କଲେଜରେ ଚାଲିଥିବା ୟୁଥ ରେଡକ୍ରସ ତାଲିମ ଶିବିର ଉଦଯାପିତ ହୋଇଯାଇଛି । ଅଧ୍ୟକ୍ଷ ରମାକନ୍ତ ବିଶିଙ୍କ ଅଧ୍ୟକ୍ଷତାରେ ହୋଇଥିବା ଉଦଯାପନୀ ଉତ୍ସବରେ ଉଲୁଣ୍ଡା ବିଡିଓ ହେମସାଗର ଭୋଇ ମୁଖ୍ୟ ଅତିଥି ଭାବରେ ଯୋଗଦେଇ ରେଡକ୍ରସର ଭୂମିକା ଉପରେ ଆଲୋକପାତ କରିଥିଲେ । ସମ୍ମାନୀତ ଅତିଥି ଭାବରେ ଯୁକ୍ତ ତିନି କଲେଜର ଅଧ୍ୟକ୍ଷ ଡ.ଦେବାଶିଷ ପାଣ୍ଡିଆ ଯୋଗଦେଇ ଛାତ୍ରଛାତ୍ରୀଙ୍କ କି ଭୂମିକା ରହିଛି ସେ ଉପରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ଆଇଆଇସି ଚନ୍ଦ୍ର ମୋହନ ସିଂ ଏବଂ ଅଗ୍ନିଶମ ଅଧିକାରୀ ଭରତଲାଲ ଏକ୍କା ଯୋଗଦେଇ ସଡକ ସୁରକ୍ଷା ଓ ବିପର୍ଯ୍ୟୟ ପରିଚାଲନା ଉପରେ ଉପସ୍ଥିତ ଛାତ୍ରଛାତ୍ରୀଙ୍କୁ ବୁଝାଇଥିଲେ ।  ତାଲିମ ଦାତା ଭାବରେ ଉଦ୍ଧବ ପଧାନ, ଉମାକାନ୍ତ ନାଗ ଯୋଗଦେଇ ତାଲିମ ପ୍ରଦାନ କରିଥିଲେ । ଏହି ଅବଶରରେ ବିଭିନ୍ନ ପ୍ରତିଯୋଗିତାରେ ପ୍ରଥମ, ଦ୍ୱିତୀୟ, ତୃତୀୟ ସ୍ଥାନ ଅଧିକାର କରିଥିବା  ପ୍ରମୋଦ ଭୋଇ, ତପସ୍ୱିନୀ ମେହେର, ଜ୍ୟୋତି ଲୁହା, ଲକ୍ଷ୍ନି ଲୁହା, ଦିପାଂଜଳୀ ହୋତା, ବବୁଲ ବିଶ୍ୱାଲ, କ୍ଷିରୋଧ କର୍ମୀ, ମାନସ ପଧାନଙ୍କୁ ଅତିଥି ଗଣ ପୁରସ୍କୃତ କରିଥିଲେ । ଅଧ୍ୟାପିକା ତେଜଶ୍ରୀ ମିଶ୍ର ମଂଚ ପରିଚାଲନା କରିଥିବା ବେଳେ ରେଡକ୍ରସ କାଉନସେଲର ଶିବ ନାରାୟଣ ମହାକୁର ଧନ୍ୟବାଦ ଦେଇଥିଲେ । କଲେଜର ସମସ୍ତ କର୍ମଚାରୀ ସହଯୋଗ କରିଥିଲେ ।