12-Feb-2021

ପାଟଣାଗଡ଼ (ଗୋରେଖନାଥ ବରିହା ) ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ସରମୁହାଣ ପଞ୍ଚାୟତ ବୁଢ଼ା ଭଟା ଗ୍ରାମର  ଜଣେ ଆଠ ମାସର  ଆଦିବାସୀ ଗର୍ଭବତୀ ମହିଳାଙ୍କୁ ଅଙ୍ଗନବାଡ଼ି କେନ୍ଦ୍ରରୁ ପ୍ରାଥମିକ ସ୍ବାସ୍ଥ୍ୟ ସେବା ସହ ପୁଷ୍ଟିକର ଖାଦ୍ୟ ମିଳୁନଥିବା ଅଭିଯୋଗ ହୋଇଛି । ସୁଚନାଯୋଗ୍ୟ ଯେ ବୁଢ଼ା ଭଟା ଗ୍ରାମର ଜୁଗିନ ବରିହାଙ୍କ ସ୍ତ୍ରୀ ରଜନୀ ବରିହା ଗର୍ଭ ଧାରଣ କରିବାର ଆଠ ମାସ ବିତିଯାଇଥିଲେ ମଧ୍ୟ ଅଙ୍ଗନବାଡ଼ି କେନ୍ଦ୍ରରୁ ମିଳୁଥିବା ପ୍ରାଥମିକ ସ୍ବାସ୍ଥ୍ୟ କାର୍ଡ ଓ  ପୁଷ୍ଟିକର ଖାଦ୍ୟ ଅଣ୍ଡା ଛତୁଆ ଓ ଅନ୍ୟାନ୍ୟ ମିଳୁନଥିବା ଅଭିଯୋଗ କରିଛନ୍ତି । ଅଙ୍ଗନବାଡ଼ି କର୍ମୀ ରଜନୀ ବରିହାଙ୍କୁ କାଗଜ ପତ୍ର  ମାଗୁନଥିବା କି ଜଣାଉନଥିବା ରଜନୀ ବରିହା କହିଛନ୍ତି । ସରକାର ଗର୍ଭ ବତୀ ପ୍ରସୂତି ମହିଳାଙ୍କ ପାଇଁ ଅନେକ ଯୋଜନା କାର୍ଯ୍ୟକାରୀ କରୁଥିବା ବେଳେ ଅଙ୍ଗନବାଡ଼ି କର୍ମୀଙ୍କ ମନମୁଖୀ ନୀତି ଯୋଗୁଁ ଆଠ ମାସର ଗର୍ଭବତୀ ମାଁ ରଜନୀ ବରିହା ପ୍ରାଥମିକ ସ୍ବାସ୍ଥ୍ୟ ସେବା ଓ ପୁଷ୍ଟିକର ଖାଦ୍ୟରୁ ବଞ୍ଚିତ ହୋଇଥିବା ଅଭିଯୋଗ ହୋଇଛି । ସରକାର ଶିଶୁ ମୃତ୍ୟୁ ହାର ହ୍ରାସ ପାଇବ ପାଇଁ କାର୍ଯ୍ୟକାରୀ ହେଉଥିବା ଯୋଜନା ଫେଳ ମାରିଛି । ଗରିବ ଆଦିବାସୀ ଗର୍ଭବତୀ ମାଁ ରଜନୀ ବରିହା ପୁଷ୍ଟିହୀନତା ଶିକାର ହେବା ଆଗରୁ ବିଭାଗିୟ ଅଧିକାରୀ ତୁରନ୍ତ ଦୃଷ୍ଟି ପ୍ରାଥମିକ ସ୍ବାସ୍ଥ୍ୟ ସେବା ସାଙ୍ଗକୁ ପୁଷ୍ଟିକର ଖାଦ୍ୟ ଛତୁଆ ଅଣ୍ଡା ଅନ୍ୟାନ୍ୟ ସୁବିଧା ଯୋଗାଇ  ଦେବାକୁ ଦାବି ହେଉଛି ।