12-Feb-2021

ବଲାଙ୍ଗୀର,(ପ୍ରେରଣା ଖବର):ବଲାଙ୍ଗୀର ଜିଲ୍ଲାରେ ନିଶା କଫସିରଫ କାରବାର ଦିନକୁ ଦିନ ବୃଦ୍ଧି ପାଇବା ଓ ଏହି ନିଶା ସିରଫ ରେ ଅଭ୍ୟସ୍ତ ହୋଇ ତିନି ଶହ ରୁ ଚାରି ଶହ ଟଙ୍କା  ଦରରେ  ବାଧ୍ୟ ହୋଇ କିଣି ପିଉଥିବା ବେଳେ ଅନେକ ସର୍ବସ୍ୱ।ନ୍ତ ହେବା ସହ ମାନସିକ ରୋଗ ରେ ଅକ୍ରାନ୍ତ ହେଉଛନ୍ତି । ପ୍ରକାଶ ଯେ ବାରମ୍ବାର ଜିଲ୍ଲା ପ୍ରଶାସନ ତରଫରୁ ଚଢ଼ାଉ କରି ଲକ୍ଷାଧିକ ଟଙ୍କାର ବେଆଇନ ନିଶା କଫସିରଫ ସହ ଅଭିଯୁକ୍ତ ଓ ବ୍ୟବହୃତ ଗାଡି ଜବତ କରାଯାଉଛି । ଉକ୍ତ ଅଭିଯୁକ୍ତ ଜେଲ ରୁ ମୁକୁଳି ପୁନଃ ନିଜ କାରବାର ଆରମ୍ଭ କରୁଛନ୍ତି । ସେହିପରି ଯେତେ ଥର ଚଢ଼ାଉ ହୁଏ ସେତେ ଚଢା ଦରରେ ଏହି ସିରଫ ମିଳି ଥାଏ । ଏ ନେଇ ବିଗତ ଦିନରେ କ୍ଲିନ କ୍ରିମିନାଲ ନାମକ ଏକ ଅଭିଯାନ ପୂର୍ବତନ ଏସ, ପି ଆରମ୍ଭ କରିଥିଲେ ଓ ସଫଳତା ହାସଲ କରିଥିଲେ । ଏହି ନିଶା ସିରଫ ଯୋଗୁଁ ଅନେକ ମାନସିକ ରୋଗାକ୍ରାନ୍ତ ହୋଇ ଘରେ ଚିକିତ୍ସା ଅଭାବରୁ ଘରେ ରହି ଦୁର୍ଦ୍ଦଶା ଭୋଗ କରିବା ସାର ହେଉଛି । ଏ ନେଇ ବଲାଙ୍ଗୀର ଜିଲ୍ଲା ମ୍ୟାଡ଼ିକଲ କଲେଜ ଡାକ୍ତରଖାନାରେ ନିଶା ନିବାରଣ କେନ୍ଦ୍ର ଖୋଲାଯାଇଛି  ଓ ଅନେକ ଚିକିତ୍ସିତ ହେଉଛନ୍ତି । ସେହିପରି ଟିଟିଲାଗଡ ନିବାସୀ ରାମଚନ୍ଦ୍ର କର(୫୦) ନାମକ ଜଣେ ପରିବା ବିକାଳୀ ଦୀର୍ଘ ଦିନ ଧରି ଏହି କଫସିରଫ ପିଇ ମାନସିକ ରୋଗ ରେ ପିଡିତ ହୋଇ  ସେ କାମଧନ୍ଦା  କରି ନ ପାରି ନିଜ କୁଚିଆ ପରିବା ଦୋକାନ ବନ୍ଦ କରି ଦେଇ ଘରେ ଶଯ୍ୟାଶାୟୀ ହୋଇ ଅକଥନୀୟ କଷ୍ଟ ଭୋଗୁଛନ୍ତି । ଉକ୍ତ ରାମଚନ୍ଦ୍ର ଙ୍କୁ ଜନସେବା ସଙ୍ଘ ନାମକ ସ୍ବେଚ୍ଛାସେବୀ ଅନୁଷ୍ଠାନ ଉଦ୍ଧାର କରି ବଲାଙ୍ଗୀର ଆଣି ଡ଼ଃ ଆଶୀର୍ବାଦ ଶତପଥୀ ଙ୍କୁ ଦେଖାଇ ଔଷଧ ନିୟମିତ ବ୍ୟବହାର କରି ସୁଦ୍ଧା ଅରୋଗ୍ୟ ହୋଇ ପାରି ନ ଥିଲେ । ଦୀର୍ଘ ଦିନ ଧରି ଏ ସିରଫ ବ୍ୟବହାର ଯୋଗୁଁ ତାଙ୍କୁ ଇ,ସି,ଟି ପ୍ରକ୍ରିୟା ରେ ଚିକିତ୍ସା ଆବଶ୍ୟକ ବୋଲି ପରାମର୍ଶ ଦେଇଥିବା ବେଳେ ଅର୍ଥ ଅଭାଵ ଯୋଗୁଁ ସେ ଅନ୍ୟତ୍ର ଯାଇ ନ ପାରିବା ନେଇ ତାଙ୍କ ସ୍ତ୍ରୀ ମୁଠେ କର ସହାୟତା ନିମନ୍ତେ ଗୁହାରି କରିଛନ୍ତି  ।

 । ବିଶେଷ ଦ୍ରଷ୍ଟବ୍ୟ ଯେ ବୁର୍ଲା ଓ କଟକ ମେଡ଼ିକାଲ ତଥା ବଲାଙ୍ଗୀର ରେ ଏ ସୁବିଧା ନ ଥିବାରୁ କୌଣସି ଘରୋଇ ଡାକ୍ତରଖାନାରେ ଏହି ଇ ସି ଟି ପ୍ରକ୍ରିୟା ରେ ଚିକିତ୍ସା ବ୍ୟବସ୍ଥା ନିମନ୍ତେ ମୋଟା ଅଙ୍କ ର ଅର୍ଥ ପ୍ରତିବନ୍ଧକ ସାଜିଛି । ଏ ନେଇ ଜିଲ୍ଲା ପ୍ରଶାସନ ତରଫରୁ ଆର୍ଥିକ ସହାୟତା ଯୋଗାଇଦେବାକୁ ବଲାଙ୍ଗୀର ଜିଲ୍ଲାପାଳ ଙ୍କୁ ଜନସେବା  ସଙ୍ଘ ତରଫରୁ ଦାବି ସହ ଇ ସି ଟି ପ୍ରକ୍ରିୟା ତୁରନ୍ତ କରାଯିବା ନେଇ ଦୃଢ଼ ଦାବି ହେଉଛି । ତେବେ ଏହି କରୁଣ ଦୁଃଖ ଅନ୍ୟ କାହାକୁ ନ ହେଉ ବୋଲି ସେ କହିଛନ୍ତି । ଆଜି ସନ୍ଧ୍ୟା ପ୍ରାୟ ୭ ଟା ରେ ସେ ଘରେ କେହି ନ ଥିବା ବେଳେ ପଙ୍ଖା ରେ ଏକ ଲୁଗା ରେ ଫାସ କରି ଆତ୍ମହତ୍ୟା ଉଦ୍ୟମ କରିଥିଲେ । ପଡିସା ଘର ଲୋକେ  ଶବ୍ଦ ଶୁଣି କବାଟ ଭାଙ୍ଗି ପଶି ଗୁରୁତର ଅବସ୍ଥାରେ ଉଦ୍ଧାର  କରିଥିଲେ ।