28-Jun-2026

ବଲାଙ୍ଗୀର(ପ୍ରେରଣା ଖବର): ସ୍ଥାନୀୟ ପତିତପାବନ ଏକାଡେମୀ ପରିସରରେ ଶାହୁଜୀ ମହାରାଜାଙ୍କ ଜନ୍ମ ଜୟନ୍ତୀ ଅବସରରେ 'ନବସେତୁ' ର ଷଷ୍ଠ ବର୍ଷ ପୂର୍ତ୍ତିରେ ଏହାର ପୋର୍ଟାଲ ଉଦଘାଟିତ ହୋଇଯାଇଛି।ଏହି କାର୍ଯ୍ୟକ୍ରମରେ ନବସେତୁ ପତ୍ରିକା ର ସମ୍ପାଦକ ପୂର୍ଣଚନ୍ଦ୍ର ବିଶ୍ଵାଲ,ପ୍ରକାଶକ ପ୍ରଦେଶୀ ବିଶ୍ଵାଲ,ଜେଡିଭିଏମ ସଭାପତି ନଟରାଜ ନାଗ, କୁଲୁତା ସମାଜ ସଭାପତି ଇଂ. ବେଲାର ସିଂ ଭୋଇ, ସହରାଞ୍ଚଳ କୁଲୁତା ସମାଜ ସଭାପତି ଶଙ୍କର୍ଷଣ ପ୍ରଧାନ, ଡାକ୍ତର ପ୍ରବୀଣ ନନ୍ଦ ପ୍ରମୁଖ ସମ୍ମାନୀତ ଅତିଥି ଭାବେ ଉପସ୍ଥିତ ଥିଲେ। ନବସେତୁ ପତ୍ରିକାର ଉତ୍ତରୋତ୍ତର କାମନା କରି ଅତିଥି ମାନେ ବକ୍ତବ୍ୟ ରଖିଥିଲେ। ଡାକ୍ତର ପ୍ରବୀଣ ନନ୍ଦ ପ୍ରାକୃତିକ ଚିକିତ୍ସା ପ୍ରଣାଳୀରେ ବିଭିନ୍ନ ଦୁରାରୋଗ୍ୟ ଦୂର କରାଯାଇ ପାରିବ ବୋଲି ବୁଝାଇ ଥିଲେ। ସାମାଜିକ ସ୍ତରରେ କାର୍ଯ୍ୟ କରିଥିବା ଯୋଗୁଁ, ଡାକ୍ତର ଅର୍ଜୁନ ମୁଗ୍ରି, ସୁଚନା ଅଧିକାର କର୍ମୀ ନୀଳମଣି ଯୋଷୀ, ନାରୀ ନେତ୍ରୀ ସବିତା ନନ୍ଦ, ସ୍ବେଛାସେବୀ ସୁରେଶ ଚନ୍ଦ୍ର କମ୍ପ, ଅକ୍ଷୟ ପଧାନ, ବ୍ରଜଭୁଷଣ

ସାଏ ଙ୍କୁ ମାନପତ୍ର ପ୍ରଦାନ ସହ ସମ୍ମାନୀତ କରାଯାଇଥିଲା।  ସରୋଜ କୁମାର ମେଶ୍ଵା ସଭା। ପରିଚାଳନା କରି ଥିବା ବେଳେ ତରଣୀସେନ ଦୀପ ଧନ୍ୟବାଦ ଅର୍ପଣ କରିଥିଲେ।ପତିତପାବନ ଏକାଡେମୀର ଅଭିଭାବକ ଏବଂ ଅଭିଭାବକା  ତଥା ବହୁତ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।