27-Jun-2026

କଣ୍ଟାବାଞ୍ଜି(ମୋହନ ସୁନା): ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ମଣ୍ଡି ରେ ଚାଷୀ ଙ୍କ ସମସ୍ୟା ସମାଧାନ ହେବା ନାଁ ନେଉନାହିଁ ମଣ୍ଡିର ଖୋଲା ଆକାଶ ତଳେ ଧାନ ପଡିଥିବା ବେଳେ ବର୍ଷା ରେ ଭିଜି ଅନେକ ଚାଷୀଙ୍କ ଧାନ ନଷ୍ଟ ହେଲାଣୀ କିନ୍ତୁ ଆଜିଯାଏ ବଲାଙ୍ଗୀର ଜିଲ୍ଲା ପ୍ରଶାସନ ର ନଜର ପଡ଼ିନାହିଁ ଚାଷୀ ମାନେ ଅନେକ ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି। ସୂଚନା ଅନୁସାରେ ଚଳିତ ବର୍ଷ ରବି ଧାନ ପାଇଁ ବଙ୍ଗୋମୁଣ୍ଡା ମଣ୍ଡି ରେ ବଲଧା,ଭାଲୁମୁଣ୍ଡା, ବଙ୍ଗୋମୁଣ୍ଡା ମଣ୍ଡି ଚାଷୀ ମାନେ ଧାନ ବିକ୍ରି କରୁଛନ୍ତି। ସେଥିପାଇଁ ୫୭୭ ଜଣ ଚାଷୀ ପଞ୍ଜୀକୃତ ହୋଇଥିବା ବେଳେ ୨୯୦୦୦ ଟୋକନ ବଣ୍ଟନ କରାଯାଇଛି। ଏବଂ ଏହି ମଣ୍ଡି କୁ ୧୯ ହଜାର କୁଇଂଟାଲ ଧାନ ଉଠାଇବାକୁ ଟାର୍ଗେଟ ଦିଆଯାଇଛି। ବର୍ତ୍ତମାନ ସୁଦ୍ଧା ୧୭ ହଜାର କୁଇଂଟାଲ ଧାନ ଉଠା ସରିଛି। ଏଥି ପାଇଁ କଣ୍ଟାବାଞ୍ଜି ର ବଂଶଳ ରାଇସ ମିଲ,ଲିଲୁରାମ ରାଇସ ମିଲ,ଭବାନୀ ରାଇସ ମିଲ, ଶ୍ୟାମଜୀ ରାଇସ ମିଲ,ରାଧେ ଗୋବିନ୍ଦ ରାଇସ ମିଲ,
,ଏସ୍.ଜିଆର.ରାଇସ ମିଲ କୁ ଧାନ‌ ଉଠାଇବାକୁ ଦାଇତ୍ୱ ଦିଆଯାଇଛି। ଅନ୍ୟପକ୍ଷରେ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଅଞ୍ଚଳ ର ଅନେକ ମଣ୍ଡି ରେ ଧାନ ପଡିଥିବା ବେଳେ ସେହି ଧାନ‌ ନ‌ଉଠାଇ ପ୍ରଶାସନ ଓ ସରକାର କଣ୍ଟାବାଞ୍ଜି ମିଲ୍ ଗୁଡିକୁ କୋରାପୁଟ,ଜୟପୁର, ମାଲକାନଗିରି,ଭଲି ବିଭିନ୍ନ ଜିଲ୍ଲା ର ଧାନ ଏହି ଅଞ୍ଚଳ କୁ ଆସିବା ପରେ ବଙ୍ଗୋମୁଣ୍ଡା ବ୍ଲକ ସରପଞ୍ଚ ସଂଘ ସଭାପତି ତଥା ବିଜେଡି ନେତା ଅଜିତ ଯୋଶୀ ଏହାକୁ ନେଇ ବିରୋଧ ପ୍ରଦର୍ଶନ କରିଛନ୍ତି। ଶ୍ରୀ ଯୋଶୀ ଙ୍କ ନେତୃତ୍ବରେ ଶହ ଶହ ଚାଷୀ ଏକାଠି ହୋଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପ ମୁଖ୍ୟମନ୍ତ୍ରୀ ତଥା କୃଷି ମନ୍ତ୍ରୀ କନକବର୍ଦ୍ଧନ ସିଂହଦେଓ ଙ୍କ ବିରୋଧରେ ନାରାବାଜି କରି ଜିଲ୍ଲା ରେ କୃଷି ମନ୍ତ୍ରୀ ଥିବା ସ୍ବତେ ମଧ୍ୟ ଆଜି ଚାଷୀଙ୍କୁ ହରିଆଣ ହେବାକୁ ପଡୁଛି ଆଜି ମଣ୍ଡିରେ ୧୦ ହଜାର ବସ୍ତା ରୁ ଅଧିକ ଧାନ ମଣ୍ଡି ରେ ପଡ଼ିରଛି ଚାଷୀଙ୍କ ଧାନ ୩ ଦିନ ମଧ୍ୟରେ ନ ଉଠାଇଲେ ଆଗାମୀ ଦିନରେ ରାସ୍ତା ଅବରୋଧ କରି ଆଇନ ଅମାନ୍ୟ ଆନ୍ଦୋଳନ କରାଯିବ ବୋଲି ଶ୍ରୀ ଯୋଶୀ ଚେତାବନୀ ଦେଇଛନ୍ତି।