11-Feb-2021

ବଲାଙ୍ଗୀର/ ଦେଓଗାଁ(ପ୍ରେରଣା ଖବର) : ବଲାଙ୍ଗୀର ଜିଲ୍ଲାର ଦେଓଗାଁ ବ୍ଲକ ଅନ୍ତର୍ଗତ ମକୁନ୍ଦପୁର,ଅର୍ଜୁନପୁର,କୁଲୁତାପଡା,ଗୁଡଖାପଲା ଓ ବଡବାହାଲ ଗ୍ରାମପନ୍ଚାୟତ ଅନ୍ତର୍ଗତ ୨୬ ଗୋଟି ଗ୍ରାମରେ ଉତ୍କଟ ପାନୀୟଜଳ ସମସ୍ୟା ଲାଗିରହିଥିବା ବିଷୟରେ ବ୍ଲକଅଧ୍ୟକ୍ଷା ଶ୍ରୀମତୀ ରୀନା ମେହେର ମୁଖ୍ୟମନ୍ତ୍ରୀଙ୍କୁ ଚିଠିଲେଖି ଦୃଷ୍ଟି ଆକର୍ଷଣ କରିଛନ୍ତି । ଏହି ସବୁ ଗ୍ରାମଗୁଡିକରେ ଫ୍ଲୋରାଇଡଯୁକ୍ତ ପାଣି ବାହାରୁଥିବାରୁ ଲୋକେ ସ୍ବଚ୍ଛପାଣି ପାଇବାରୁ ବନ୍ଚିତ ହୋଇ ଅନେକରୋଗରେ ପଡୁଛନ୍ତି ।ତେଲନଦୀକୂଳରେ ଅବସ୍ଥିତ ବ୍ରାହ୍ମଣିପଲା ଓ ଗୌରଗୋଠ ଠାରେ ୨ଟି ପାନୀୟଜଳପ୍ରକଲ୍ପ ରହିଥିଲେ ହେଁ ସବୁ ଗ୍ରାମକୁ ଜଳଯୋଗାଣ ହୋଇପାରୁନାହିଁ । ସୂଚନା ଯୋଗ୍ୟ ଯେ,ଏହି ସଂପର୍କରେ ଅଧ୍ୟକ୍ଷା ଶ୍ରୀମତୀ ମେହେର ବାରମ୍ବାର ଜିଲ୍ଲାପରିଷଦ ବୈଠକରେ ଉପସ୍ଥାପିତ କଲାପରେ ନିକଟରେ ଉକ୍ତ ୨୬ଖଣ୍ଡ ଗ୍ରାମ ପାନୀୟଜଳ ଯୋଗାଣ ପାଇଁ ଏକ ଡିପିଆର ପ୍ରସ୍ତୁତ କରି ରାଜ୍ୟସରକାରଙ୍କୁ ୨୬କୋଟିର ଅଟକଳ ମଞୁରି ପାଇଁ ପଠାଯାଇଛି । ବର୍ତ୍ତମାନ ଏହି ପ୍ରକଲ୍ପ ରାଜ୍ୟସରକାରଙ୍କ ସକ୍ରିୟ ବିଚାରାଧିନ ରହିଅଛି । ଏହି ମେଗାପ୍ରକଲ୍ପଟି ମଞୁର ହୋଇ କାର୍ଯ୍ୟକାରୀ ହେଲେ ୫ଟି ପନ୍ଚାୟତର ୨୬ଟି ଗ୍ରାମର ଲୋକେ ଉପକୃତ ହେବେ । ଏ ସଂପର୍କରେ ଅଧ୍ଯକ୍ଷା ଶ୍ରୀମତୀ ମେହେର ରାଜ୍ୟ ପନ୍ଚାୟତିରାଜ ଓ ପାନୀୟଜଳ ମନ୍ତ୍ରୀ ପ୍ରତାପ ଜେନା ଓ ବିଭାଗୀୟ ପ୍ରମୁଖସଚିବ ଦେଓରଂଜନ ସିଂଙ୍କ ଦୃଷ୍ଟି ଆକର୍ଷଣ କରିଛନ୍ତି ।