11-Feb-2021

ନୟାଗଡ(ପ୍ରଦୀପ କୁମାର ପଣ୍ଡା): ନୟାଗଡ ବନଖଣ୍ଡ ଅଧିକାରୀ ଙ୍କ କର୍ମ ତତ୍ପରତା କାଠ ମାଫିଆ ଙ୍କ ରୋଜଗାର ନିଶା ରେ ସାଜିଛି ବାଧକ | ଡିଏଫଓ ଙ୍କ ନିର୍ଦେଶ କ୍ରମେ ବନବିଭାଗ କର୍ମଚାରୀ ମାନେ ପ୍ରତେକ ଦିନ ବିଭିନ୍ନ ସ୍ଥାନରେ ଚଢ଼ାଉ କରି ଚୋରା କାଠ ଜବତ କରୁଛନ୍ତି | ସୂଚନାମୁତାବକ ଡିଏଫଓ ଧନରାଜ ଏଚ ଡି, ଦଶପଲ୍ଲା ତହସିଲଦାର ଅକ୍ଷୟ କୁମାର ଖେମୁଣ୍ଡ, ଦଶପଲ୍ଲା ପୋଲିସ ମିଳିତ ଭାବେ ଚଢ଼ାଉ କରି ଦଶପଲ୍ଲା ଦୁର୍ଗାବଜାର କଲୋନୀ ବିଜୟ ମହାରଣା ଙ୍କ ଘରୁ ତିନିଶହ ସିଫ୍ଟ କାଠ ପଟା ଜବତ କରିଛନ୍ତି | ସେହିପରି ଦଶପଲ୍ଲା ବନାଞ୍ଚଳ ଅନ୍ତର୍ଗତ ଟାକେରା ଅଞ୍ଚଳ ରୁ ବୋଲେରୋ ଯୋଗେ ଶାଳ ଲଗ ଚୋରା ଚାଲାଣ ବେଳେ ଦୁଇ ଜଣ ବ୍ୟକ୍ତି ଙ୍କୁ ଦଶପଲ୍ଲା ବନବିଭାଗ ଗିରଫ କରିବା ସହିତ ବୋଲେରୋ ଜବତ କରିଛି | ଗିରଫ ବ୍ୟକ୍ତି ଦୁଇଜଣଙ୍କ ମଧ୍ୟରୁ ଜଣେ ବଡମ୍ବା ଥାନା ଅନ୍ତର୍ଗତ ରତାପାଟ ଗ୍ରାମର ପ୍ରଭାତ ପ୍ରଧାନ ଏବଂ ଅନ୍ୟ ଜଣେ ଖଣ୍ଡପଡା ଥାନା ଅନ୍ତର୍ଗତ କୁମ୍ଭାରପଡ଼ା ଗ୍ରାମର ମହେନ୍ଦ୍ର ପଣ୍ଡା | ପ୍ରକାଶଥାଉକି ଡ଼ିଏଫଓ ଙ୍କ ନିର୍ଦେଶ କ୍ରମେ ଜିଲ୍ଲାର ୭ ଟି ସ୍ଥାନ ରେ ଚଢ଼ାଉ କରାଯାଇ ବିପୁଳ ପରିମାଣରେ ଚୋରା କାଠ ଜବତ କରାଯାଇଛି |