11-Feb-2021

ନୟାଗଡ(ପ୍ରଦୀପ କୁମାର ପଣ୍ଡା): ନୟାଗଡ ଜିଲ୍ଲା ନୂଆଗାଁ ବ୍ଳକ ଅନ୍ତର୍ଗତ ସିକ୍ରିଡ଼ା ଗ୍ରାମରେ ଘଟିଛି ଏକ ଲୋମହର୍ଷକରୀ ଘଟଣା | କୋଳି ଖିଆ କୁ ନେଇ ଆରମ୍ଭ ହୋଇଥିଲା କଳି | ଦୁଇ ପରିବାର ମଧ୍ୟରେ କଳି ଉଗ୍ର ରୂପ ନେବାପରେ ଥାନାରେ ଅଭିଯୋଗ କ୍ରମେ ଥାନା ଅଧିକାରୀ ଅଭିଯୁକ୍ତ ଙ୍କୁ କଲେ କୋର୍ଟ ଚାଲାଣ | ସୂଚନାନୁଯାୟୀ କୋଳି ଖିଆ କଳି ସିକ୍ରିଡ଼ା ଗ୍ରାମର କୃପାସିନ୍ଧୁ ସାହୁ ଏବଂ ପ୍ରହଲ୍ଲାଦ ପାଣି ଙ୍କ ପରିବାର ମଧ୍ୟରେ ଆରମ୍ଭ ହୋଇ କଥା କଟାକଟି ତୀବ୍ର ରୂପ ନେବାପରେ କୃପାସିନ୍ଧୁ ତାଙ୍କ ଜଳଖିଆ ଦୋକାନ ର ଗରମ ତେଲ ଫୋପାଡ଼ି ଥିଲେ ପ୍ରହଲ୍ଲାଦ ଙ୍କ ଉପରକୁ | ଫଳରେ ସେ ଗୁରୁତର ଆହତ ହୋଇଛନ୍ତି | ବର୍ତମାନ ସେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଚିକିତ୍ସିତ ହେଉଛନ୍ତି | ପ୍ରହଲ୍ଲାଦ ଙ୍କ ପରିବାର ଲୋକଙ୍କ ପକ୍ଷରୁ ନୂଆଗାଁ ଥାନାରେ ଲିଖିତ ଅଭିଯୋଗ କରାଯାଇଥିଲା | ପୋଲିସ ଘଟଣାର ତଦନ୍ତ କରି କୃପାସିନ୍ଧୁ ଙ୍କୁ କୋର୍ଟ ଚାଲାଣ କରାଯାଇଛି ବୋଲି ନୂଆଗାଁ ଥାନା ଅଧିକାରୀ ରମେଶ କୁମାର ଦେବତା ପ୍ରକାଶ କରିଛନ୍ତି |